प्रियंका चोपडा पाँच वर्षको उमेरदेखि दम रोगकाे बिरामी

असोज २, २०७५ मंगलबार १३:४५:३९ | उज्यालो सहकर्मी

बलिउड तथा हलिउडमा आफ्नो अभिनयका कारण संसारभर चर्चित अभिनेत्री प्रियंका चोपडा पाँच वर्षको उमेरदेखि एउटा रोगसँग संघर्ष गरिरहेकी छिन् ।
यस रोगको खुलासा प्रियंका स्वयमले ट्वीटरमार्फत गरेकी छिन् ।

प्रियंका चोपडा पाँच वर्षकी हुँदा दम रोग लागेको थियो । उनले भनेकी छिन, ‘दम एक रोग हाे, यसलाई लुकाएर राख्नु आवश्यक छैन ।’ ट्वीटरमा उनले एउटा भिडियो पनि शेयर गरेकी छिन् ।

भिडियोमा उनले भनेकी छिन–‘म पाँच वर्षको उमेरदेखि दम रोगबाट पीडित छु । मेरी आमाले मलाई धेरै सहयोग गर्नुभयो । ‘पहिले मलाई मानिसरुल धेरै औषधी सेवन गर्नुहुँदैन, पछि औषधी खाने बानी बस्छ भन्थे ।

त्यसपछि मैले औषधि लिन बन्द गरें र इन्हेलर प्रयोग गर्न थालें, प्रियंकाले थपिन्, ‘यो औषधीहरुभन्दा राम्रो हुन्छ । मेरो नजिकका धेरैलाई मलाई दम छ भन्ने थाहा छ । मैले यसलाई कहिले पनि लुकाउने कोशिश गरिनँ ।’

प्रियंकाले अगाडि भनेकी छिन् ‘कैयौं पटक जब म स्टेजमा प्रस्तुति दिइरहेकी हुन्छु वा धुलोधुवाँ वरपर हुन्छु त्यसबेला मलाई इन्हेलरको आवश्यकता पर्दछ । त्यतिबेला मेरो वरिपरिका व्यक्तिहरुले मलाई दम रोग छ भन्ने थाहा पाउँछन् । तर मैले आफूलाई सम्हाल्दै मेरो कामलाई सुचारु गर्थे त्यसैले मेरो काममा बीचैमा कहिलेपनि रोकिएन । त्यसैले आज म यहाँसम्म आइपुगे ।’

केही समय अघि प्रियंका चोपडाले सलमान खानको फिल्म ‘भारत’ छोडेर मिडियामा चर्चाको विषय बनेकी थिइन् भने त्यसपछि उनका प्रेमी निक जोनसका साथ इन्गेजमेन्ट गरेर चर्चा बटुलेकी थिइन् ।

प्रियंकाका प्रेमी निक जोनस पनि मधुमेह रोगी हुन् । निक जोनस पनि मधुमेह रोगको औषधीको विज्ञापनमा काम गर्छन् । प्रियंकाको दम रोगीले प्रयोग गर्ने इन्हेलरकोे विज्ञापनको भिडियो हालै मुम्बईमा छायाँकन गरिएको हो । प्रियंका र निक यतिबेला विवाहको तयारीमा व्यस्त छन् । यो जोडी छिट्टै नै विवाह बन्धनमा बाँधिनेछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्