९० वर्षका दुर्गप्रसाद : पञ्चायतदेखि अहिलेसम्म भोट हालियो, देश बनाउने र नबनाउने जिम्मा उनीहरुकै

वैशाख ३०, २०७९ शुक्रबार ८:११:१८ | अर्जुन पोख्रेल

काठमाण्डाै - पालिका चुनाव अन्तर्गत मतदान भइरहेको छ । वृद्धवृद्धाको पनि उल्लेख्य उपस्थित छ । उनीहरुलाई लाइन बस्न पर्दैन ।

सहजै मतदान गर्न पाएकोमा उनीहरु खुसी छन्। ललितपुरको महालक्ष्मी नगरपालिका-५ को हाइ भ्यु स्कुल केन्द्रमा पनि बुढाबुढीले सहजै मतदान गरिरहेका छन्।

९० वर्षका दुर्गप्रसाद पौडेलले पनि भोट हाल्नुभयो । भोट हालेर बाहिर निस्किएका पौडेल खुसी देखिनुहुन्थ्यो । 'पहिले पहिले घन्टौँसम्म लाइन बस्नपर्थ्यो, अहिले त सबैले यता आउनुस बा भन्दै पालो मिलाइदिए, गाह्रो भएन' उहाँले भन्नुभयो ।

पञ्चायतदेखि अहिलेसम्मका चुनावमा भोट हालेको अनुभव दुर्गप्रसादसँग छ । 'पहिले कांग्रेस, गोर्खे दल भन्ने थोरै दल थिए, अहिले त कति हो कति ' उहाँको अनुभव छ ।

अहिलेसम्म कतिपल्ट भोट हालियो भन्ने उहाँलाई सम्झना छैन, तर देश विकसित बन्न नसकेको उहाँको दुखेसो छ । 'पञ्चायत कालदेखि अहिलेसम्म भोट हालियो, हाम्रो काम त भोट हाल्ने हो, देश बनाउने र नबनाउने जिम्मा उनीहरुकै हो' पौडेलले भन्नुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्