भोट हाल्न गाउँ जान नपाएकाहरू काठमाण्डौको रमाइलो हेर्दै, भन्छन् : गाउँलाई ‘मिस’ गरिरहेको छु

वैशाख ३०, २०७९ शुक्रबार ९:११:३८ | अर्जुन पोख्रेल

काठमाण्डौ – आज पालिका चुनावको देशभर मतदान भइरहेको छ ।

भोट हाल्न काठमाण्डौ उपत्यकाबाट आफ्नो मतदाता नामावली भएको ठाउँमा धेरैजसो गएका छन् । तर भोट हाल्न जान नपाएकाहरूले मतदान गर्ने केन्द्र वरपर पुगेर रमाइलो हेरिरहेका छन् ।

त्यस्तै मध्येको एक हुनुहुन्छ गुल्मीका सागर गैरे । उहाँ यसपालि भोट हाल्न आफ्नो गाउँ जान पाउनुभएन । तर उहाँ मतदानको चहलपहल हेर्न काठमाडौं महानगरपालिका ८ को शारदा मावि केन्द्रमा आउनुभएको छ ।

‘आफू जान पाइएन, अरूले मत दिएको हेर्न भए पनि आएँ, ५ वर्षमा एकपल्ट आउने ठुलो अवसरको सदुपयोग गर्न नपाएकोमा दुःख लागेको छ’ सागरले भन्नुभयो ।

मतदान केन्द्र वरपरको दृश्य हेर्दा मनमा अनेक कुरा खेलेको उहाँ बताउनुहुन्छ । ‘आफूले भोट हाल्न त पाइएन अरू नागरिकको मतको सदुपयोग होस भन्ने चाहन्छु’ उहाँ भन्नुहुन्छ ।

मोरङका हर्क तामाङ पनि घर जान पाउनुभएन । मतदानको चहलपहल हेर्न मध्ये वानेश्वरको रत्न राज्य उच्च माविमा पुग्नुभएको छ उहाँ । ‘चुनावमा घर जान पाइएन, उता कति रमाइलो भइरहेको होला, गाउँलाई धेरै मिस गरिरहेको छु ’ तामाङले भन्नुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्