खाने तेलमा भन्सार महसुल छुट गरेर नागरिकलाई राहत दिन माग

जेठ २२, २०७९ आइतबार २०:११:३३ | उज्यालो सहकर्मी

काठमाण्डौ – नेपाल वनस्पति घिउ तेल उत्पादक सङ्घले खाने तेलमा लगाइएको भन्सार महसुल छुट गरेर नागरिकलाई राहत दिन सरकारसँग माग गरेको छ ।

सङ्घले आज आइतवार पत्रकार सम्मेलन गर्दै छिमेकी देश भारतले उच्च महङ्गीको चापबाट उपभोक्तालाई राहत दिनका लागि खाने तेलको भन्सार महसुल शून्य प्रतिशतमा झारेको उल्लेख गर्दै नेपालले पनि त्यही नीतिलाई अवलम्बन गरी नागरिकलाई राहत दिन आग्रह गरेको हो । सङ्घका अध्यक्ष सन्दीपकुमार अग्रवालले चालु आर्थिक वर्षको वैशाखसम्म ८७ अर्ब ६० करोड रुपैयाँ बराबरको वनस्पति तेल भारत निकासी भएको जानकारी दिँदै भारतले भन्सार महसुल शून्यमा झार्दा नेपालको निकासीमा कमी आउने उल्लेख गर्नुभयो ।

‘भन्सार महसुलका कारण नेपालको तेल उत्पादन महँगो पर्ने भएकाले नेपाल–भारत खुला सिमानाबाट अनधिकृत रूपमा सस्तो मूल्यमा भारतीय तेल चोरी पैठारी भइ नेपाल भित्रिने गरेको छ, यसबाट राजस्वमा कमी आउने अवस्था छ’, अध्यक्ष अग्रवालले भन्नुभयो । अहिले नेपालमा तीन लाख टन तेल खपत हुँदै आएको छ ।

नेपाल उद्योग वाणिज्य महासङ्घका अध्यक्ष शेखर गोल्छाले कच्चा पदार्थमा लगाइएको भन्सार महसुल शून्यमा झार्नुपर्ने बताउनुभयो । नेपालमा उद्योग सञ्चालनका लागि जग्गा प्राप्तिदेखि अन्य धेरै समस्या रहेको भन्दै उहाँले सरकारले अहिले ल्याएको नयाँ व्यवस्थाले नेपालका उद्योग सङ्कटमा पर्न सक्ने उल्लेख गर्नुुभयो ।

नेपाल उद्योग परिसङ्घका उपाध्यक्ष राजेशकुमार अग्रवालले सरकारले एउटा उद्योगको संरक्षण गर्दा अर्को उद्योगलाई समस्या पार्ने नीति ल्याउन नहुने बताउनुभयो । उपाध्यक्ष अग्रवालले स्वदेशी उद्योग प्रोत्साहनका लागि सरकारले विशेष कदम चाल्नुपर्ने धारणा व्यक्त गर्नुभयो ।

विसं २०४८ मा स्थापना भएको नेपाल वनस्पति घिउ तेल उत्पादक सङ्घअन्तर्गत अहिले २२ वटा उद्योग सञ्चालित छन् । तीन उद्योग सञ्चालनका क्रममा रहेको सङ्घले जनाएको छ । झन्डै एक खर्ब रुपैयाँ लगानी रहेको यस क्षेत्रमा १५ हजार जनाभन्दा बढी व्यक्ति कार्यरत छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

खाने तेलमा भन्सार महसुल छुट गरेर नागरिकलाई राहत दिन माग

फाइल फाेटाे

तपाईको प्रतिक्रिया