मृगौला बचाऔं अभियान टोली रामेछापमा

असोज ५, २०७५ शुक्रबार १५:२६:१५ | दीपक भट्ट

रामेछाप – पछिल्लो समयमा मृगौला रोगीहरुको संख्यामा वृद्धि हुँदै गएको भन्दै त्यसलाई न्यूनीकरण गर्ने उद्धेश्यका साथ मृगौला बचाऔं अभियान टोली रामेछापमा आइपुगेको छ ।

वरिष्ठ मृगौला विशेषज्ञ डा.ऋषीराज काफ्लेको नेतृत्वमा शुक्रबार मन्थली आइपुगेको विशेषज्ञको टोलीले मृगौला बचाऔं अभियान कार्यक्रमको उद्धेश्यमाथि प्रकाश पारेको थियो ।

अभियानले स्थानीय तामाकोशी सहकारी अस्पतालमा आयोजित सरोकारवालाहरुसँगको छलफलमा नियमित स्वास्थ्य परीक्षण, सन्तुलित आहार र प्रशस्त पानीको सेवन नै मृगौला बचाउ अभियानको मूल आधार भएको जानकारी गराएको थियो ।

कार्यक्रमको उद्देश्यमाथि प्रकास पार्दै वरिष्ठ मृगौला रोग विशेषज्ञ डा.काफ्लेले हरेक वर्ष नेपालमा मृगौला रोगीहरुको संख्या बढिरहेको भन्दै देशमा सरदर २५ देखि ३० लाख व्यक्तिमा मृगौलाको समस्या देखिएको बताउनुभयो ।

यस खालको समस्यालाई न्यूनीकरण गर्न आम नेपालीहरुको दायित्व भएको भन्दै उहाँले ३ लाख व्यक्तिहरुको मृगौला भने बिग्रिरहेको दावी गर्नुभयो ।

आफू रामेछापको सालुमा जन्मिएका कारण पनि मृगौला बचाऔं अभियानको कार्यक्रम पहिलो चरणमा रामेछापबाटै आरम्भ भएको पनि डा. काफ्लेले बताउनुभयो ।

अभियान अन्तर्गत पहिलो चरणमा ५ सय रुपैयाँ नगद बुझाएर सदस्य बन्न सकिने र त्यसवाट उठेको रकमलाई मेची महाकालीका विपन्न बस्तीहरुसम्म पुर्याइने जानकारी पनि डा.काफ्ले गराउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्