रातभरि मकैबाली रुँग्छन् ताप्लेजुङकाे कालीखाेलाका स्थानीय

भदौ ८, २०७९ बुधबार १८:२७:२२ | केशवप्रसाद भट्टराई

ताप्लेजुङ – ताप्लेजुङको सिदिङ्वा गाउँपालिका १ कालीखोलामा जङ्गली वन्यजन्तुले बाली खानुका साथै नष्ट गर्न थालेपछि स्थानीयवासी रातभरि बाली रुँग्ने गरेका छन् । पाक्न लागेका मकै मङ्गली वन्यजन्तुले फेद नै काटेर नष्ट गरेपछि बेलुकी ७ बजेदेखि बिहान ५ बजेसम्म स्थानीयवासीले रुँग्ने गरेका हुन् ।

मकैको खोस्टा सुक्न थालेको बेलामा बँदेलको हुल नै पसेर खान र नष्ट गर्न थालेपछि रातभरि जागा बस्नुपरेको स्थानीयवासी रत्न बानियाँले टेलिफोनमार्फत जानकारी दिनुभयो । बनियाँले भन्नुभयो, ‘सङ्कटकालमा माओवादी र नेपाली सेनाले रातभरि डिउटी कसरी गर्थे, अहिले त्यसरी नै जङ्गली वन्यजन्तु हेर्न डिउटी गर्नुपर्छ । मृग र दुम्सी आएर मकै खाने गरे पनि त्यति असर पुगेको थिएन । तर अहिले जङ्गली बँदेल एकै पटक १० देखि १५ वटासम्म आउँदा एकै रातमा बाली सिध्याउँछ ।’

अर्का किसान टइन्द्र चापागाईँले भन्नुभयो, ‘मुख्य बाली नै मकै हो यो नै सखाप भएपछि के खाने समस्या भएको छ ।’ कालीखोलाका चावखोला, बुर्केलगायतका गाउँमा अहिले जङ्गली बँदेल आएर मकैबाली सखाप गरेको चापागाईँले बताउनुभयो । उहाँहरूसहित कृष्ण बानियाँ, नरेन्द्र भण्डारीलगायतका परिवारले पनि रातभरि मकैबाली रुँग्ने गरेका छन् ।

यस विषयमा सिदिङ्वा गाउँपालिका १ कालीखोलाका वडाध्यक्ष गाेपाल बानियाँले वन्यजन्तु नियन्त्रण गर्ने केही उपाय नभएको बताउनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्