रुसले कब्जा गरेका दर्जनौँ गाउँ फिर्ता लिएको युक्रेनको दाबी

भदौ २५, २०७९ शनिबार ८:१७:३७ | एजेन्सी

रुसले कब्जा गरेकाे खार्किभ क्षेत्रभित्रका ३० वटा ठाउँका दर्जनाैँ गाउँ फिर्ता ल्याएको युक्रेनले दाबी गरेको छ । युक्रेनी राष्ट्रपति भोलोदिमिर जेलेन्स्कीले युक्रेनी सेनाले खार्किभको एक हजार वर्ग किलोमिटर क्षेत्र फिर्ता गरेको र ५० किलोमिटर अघि बढेको बताएका समाचार संस्था एएफपीले जनाएको छ ।

युक्रेनले अब रुसलाई अन्य क्षेत्र कब्जा गर्न नदिने र उसले कब्जा गरेको भूमि फिर्ता गर्ने अभियान चलाएको घोषणा गरेको छ । खार्किभमा अपेक्षा गरेभन्दा छिटो सफलता मिलेको राष्ट्रपति जेलेन्स्कीले बताउनुभएको छ ।

समाचारको पुष्टि गर्न युक्रेनले पत्रकारलाई प्रवेश अनुमति दिएको छैन । सरकारी अधिकारीहरूले खार्किभमा युक्रेनी झण्डा फहराउँदै गाडी कुदेको र युक्रेनी सैनिकले खुसीयाली मनाएको भिडियो पाेस्ट गरेका छन् । युक्रेनी सेना एक रेलमार्गको नजिकै पुगेका छन्, रेलमार्ग कब्जा गर्न सकेमा रुसी सेनाको बन्दोबस्तीका सामान ढुवानी हुन नपाउने र उनीहरू थप समस्यामा पर्ने देखिएको खबरमा उल्लेख छ ।

अमेरिका र युरोपका सहयोगीले दिएका अत्याधुनिक हतियार तथा युक्रेनी सेनाको बढ्दो मनोबलका कारण ठाउँ–ठाउँबाट शत्रुलाई लखेट्न सफलता मिलेको युक्रेनी राष्ट्रपतिको भनाइ छ । तर रुसले भने पूर्वी युक्रेनको खार्किभ क्षेत्रमा पुनः ठूलो सङ्ख्यामा सेना तैनाथ गरेको छ । युक्रेनको दाबीलाई अस्वीकार गर्दै रुसले खार्किभमा आफ्नो सेनाको कब्जा यथावत् रहेको र थप सैनिक परिचालन गरिएको जनाएको खबरमा उल्लेख छ ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुसले कब्जा गरेका दर्जनौँ गाउँ फिर्ता लिएको युक्रेनको दाबी

तस्बिर : राेयटर्स

तपाईको प्रतिक्रिया