आयाेगलाई ‘खुद्रा–मसिना’ कुरामा अलमल्याएर चुनाव बिथाेल्ने प्रयास नगरियाेस् : प्रमुख आयुक्त थपलिया

असोज २८, २०७९ शुक्रबार १९:१५:० | उज्यालो सहकर्मी

काठमाण्डाै – प्रमुख निर्वाचन आयुक्त दिनेशकुमार थपलियाले निर्वाचन आयोगमाथि लाञ्छना लगाएर आउँदाे मङ्सिर ४ गते हुन गइरहेको प्रतिनिधि सभा र प्रदेश सभा चुनावलाई बिथोल्ने प्रयास नगर्न चेतावनी दिनुभएको छ ।

प्रमुख निर्वाचन आयुक्त थपलियाले आयोगले निर्वाचन कानुनअनुसार आफ्नो कार्य सम्पादन गर्दा पनि प्रेस स्वतन्त्रताविरोधी गतिविधि गर्‍याे भनेर केही निकायले भन्ने गरेको उल्लेख गर्दै त्यस्तो दुष्प्रयास नगर्न सचेतसमेत गराउनुभयो । आज शुक्रवार आयोगकाे कार्यालयमा सञ्चारकर्मीले राखेका जिज्ञासाको जवाफ दिने क्रममा उहाँले प्रेस काउन्सिल नेपाललाई पनि आयोगमाथि अझ बढी निगरानी राख्न गम्भीर बन्न आग्रह गर्नुभयो ।

उहाँले भन्नुभयो, ‘हामी कसैको निगरानी गर्दैनौँ । हाम्रो गरिदिनोस् भन्छौँ । खबरदारी गरिदिनोस् भनेर हामीले पटक–पटक भनिराखेका छौँ । हामी चुनावमात्रै गर्दै छैनौँ । हामी लोकतन्त्रलाई थप सुदृढ गर्दैछौँ । हामी जनताको बहुदलीय प्रतिस्पर्धात्मक लोकतान्त्रिक शासन प्रणालीलाई अझ बलियाे बनाउने अभ्यासमा छौँ । तसर्थ यो अभ्यासलाई कुण्ठित हुने ढङ्गका र निर्वाचन आयोगलाई खुद्रा–मसिना कुरामा अलमल्याएर कतै चुनावकाे स्वच्छता, भङ्ग गर्न सकिन्छ कि भन्ने दुस्साहस यदि कसैले राखेको छ भने त्यो दिवास्वप्ना हो । प्रेस स्वतन्त्रता र अभिव्यक्ति स्वतन्त्रतामाथि हनन हुने छैन । आयोगलाई लाञ्छना लगाएर चुनाव बिथोल्ने प्रयास नगरियोस् ।’

प्रमुख निर्वाचन आयुक्त थपलियाले आयोगले निर्वाचन कानुन र संवैधानिक मूल्य–मान्यता बमोजिम चुनावकाे कार्य सम्पादन गर्नका लागि विभिन्न निकायलाई निर्देशन दिन सक्ने व्यवस्था रहेको पनि स्मरण गराउनुभयो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्