प्रधानमन्त्री ओलीलाई तीनवटा विद्यावारिधि !

असोज १७, २०७५ बुधबार १३:४२:३ | उज्यालो सहकर्मी

प्रधानमन्त्री केपी शर्मा ओलीलाई धेरैले आठ कक्षा मात्रै पढेको भनेर खिल्ली उडाउँछन् । तर प्रधानमन्त्री ओलीले अहिलेसम्म तीनपटक विद्यावारिधिको उपाधी पाइसक्नुभएको छ !

सामान्यतया विश्वविद्यालयको अन्तिम खुड्किलोमा कुनै महत्वपूर्ण विषयमा अध्ययन सकेपछि विद्यावारिधि अर्थात पीएचडीको उपाधि पाइन्छ । तर समाजमा महत्वपूर्ण योगदान पुर्याने विशिष्ट व्यक्तिहरुलाई पनि विश्वविद्यालयहरुले मानार्थ पीएचडीको उपाधि दिने प्रचलन छ ।

प्रधानमन्त्री केपी शर्मा ओलीले मात्र तीनपटक यस्तो उपाधि पाइसक्नुभएको छ । केही दिनअघि मात्रै उहाँलाई कोस्टा रिकामा त्यहाँको विश्वविद्यालयले मानार्थ विद्यावारिधिको उपाधि दिएको हो । सान जोसमा रहेको शान्ति विश्वविद्यालय (युनिभर्सिटी फर पिस)ले उहाँलाई यो उपाधि दिएको हो ।

यस्तै गएको चैतमा भारत भ्रमण जाँदा उत्तराखण्ड राज्यको पन्तनगरस्थित कृषि तथा प्रविधि विश्वविद्यालयले पनि प्रधानमन्त्री ओलीलाई मानार्थ विद्यावारिधिको उपाधि दिएको थियो ।

आठ वर्षअघि पनि ओलीले विद्यावारिधिको उपाधि पाउनुभएको थियो । अमेरिकाको विवादास्पद ग्रीनफोर्ड युनिभर्सिटीले काठमाडौंमै कार्यक्रम गरेर ओली सहित कलाकारहरु मदनकृष्ण श्रेष्ठ र हरिवंश आचार्यलाई समेत मानार्थ विद्यावारिधिको उपाधि दिएको थियो ।

यो युनिभर्सिटी नक्कली रहेको थाहा भएपछि मह जोडीले उपाधि फिर्ता लिएको घोषणा गरेका थिए ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Debendra karki
Oct. 3, 2018, 2:03 p.m.
सलाम छ pm के पि ओलि ज्यु लाई यसै गरि देश र जनतालाइ पनि उच्व शिरमा पुर्याउने कोशित गर्नुस साराले जय जयकार मनाउने छ्न
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री ओलीलाई तीनवटा विद्यावारिधि !

1 Comments

Debendra karki

तपाईको प्रतिक्रिया

तपाईको प्रतिक्रिया