मकवानपुर : मुख्य निर्वाचन अधिकृतको कार्यालयमा नियुक्ति पत्र र भत्ता लिने कर्मचारीकाे भिड

कात्तिक २९, २०७९ मंगलबार १३:२६:३४ | हरि हुमागाईं

मकवानपुर – यही मङ्सिर ४ गते हुने प्रतिनिधि सभा र प्रदेश सभा चुनावका लागि नियुक्ति पत्र र भत्ता लिने कर्मचारीका कारण मुख्य निर्वाचन अधिकृतकाे कार्यालयमा भिड लागेकाे छ । चुनावमा खटिने कर्मचारीलाई नियुक्ति पत्र र चुनावमा प्राप्त गर्ने भत्ता लिनका लागि दुई दिनदेखि मुख्य निर्वाचन अधिकृतको कार्यालय हेटौँडामा भिड लागेको हाे ।

चुनावमा खटिने कर्मचारीलाई हिजो साेमवार र आज मङ्गलवार नियुक्ति पत्रका साथै आवश्यक भत्ता वितरण गरिएकाले भिड भएको हो । मकवानपुरको क्षेत्र नम्बर–१ र २ मा रहेको निर्वाचन अधिकृतको कार्यालयले चुनावमा खटिने कर्मचारी र शिक्षकलाई नियुक्ति पत्र वितरण गरिरहेकाे छ ।

कर्मचारी जुन निर्वाचन क्षेत्रमा खटिएका छन् त्यही निर्वाचन अधिकृतको कार्यालयले उनीहरूलाई नियुक्ति पत्र वितरण गरेकाे मकवानपुरका मुख्य निर्वाचन अधिकृत ऋषिराम निरौलाले जानकारी दिनुभयो । जिल्लामा तीन हजार जना कर्मचारी खटिएका छन् । त्यसमा पाँच सय जना सहायकस्तरका शिक्षकलाई पनि खटाइने भएको छ । नियुक्ति पत्र लिइ सकेपछि कर्मचारीलाई चुनाव खर्च र मतपत्रलगायतका मतदानका दिन चाहिने सामाग्री पनि हस्तान्तरणको तयारी गरिएको उहाँले बताउनुभयो ।

हेटौँडामा रहेका विभिन्न मन्त्रालय, जिल्लास्तरका कार्यालय र पालिकासमेत गरेर दुई हजार पाँच सय जना कर्मचारी तथा पाँच सय जना सहायकस्तरका स्थायी शिक्षकलाई चुनावमा खटाउन लागिएको मुख्य निर्वाचन अधिकृत निरौलाले जानकारी दिनुभयो ।

मकवानपुरमा पालिका चुनावमा भन्दा अहिले प्रदेश सभा र प्रतिनिधि सभा सदस्यकाे चुनावमा धेरै कर्मचारी खटिने भएका हुन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्