प्रदेश २ को प्रदेशसभा बैठक अाइतबारसम्मका लागि स्थगित

असोज १९, २०७५ शुक्रबार १५:५५:५३ | शैलेन्द्र महतो

धनुषा – प्रतिपक्षी दल नेपाल कम्युनिष्ट पार्टी र नेपाली कांग्रेसका सांसदहरुको अवरोधका कारण प्रदेश २ को प्रदेशसभा बैठक अाइतबारसम्मका लागि स्थागित भएको छ ।

शुक्रबार दिउँसो १२ बजे बसेको प्रदेशसभा बैठकमा सरकारको काम कारबाही ठिक नभएको भन्दै नेकपा र कांग्रेसका सांसदहरुले बैठक अवरुद्ध गरेका थिए । झण्डै १० मिनट चलेको बैठकको सुरुमै दुवै प्रतिपक्षी दलका सांसदहरुले सरकारबाट आवश्यक जवाफ नपाएसम्म बैठक चल्न नदिने भन्दै सदन अवरुद्ध गरेपछि सभामुख सरोज यादवले आधा घण्टाको लागि बैठक स्थगित गर्नुभएको थियो ।

तर प्रतिपक्षी दलका सांसदहरुसँग सदन चल्न दिन सहमतिको प्रयास गरे पनि असफल भएपछि सूचना टाँस गरेर बैठक अाइतबारसम्मका लागि स्थगित गरिएको हो । बैठकको शुरुमै कांग्रेसका प्रदेश सांसद शिवचन्द्र चौधरीले सभामुख सरोज यादवसँग विशेष समय मागेर बोल्दै सरकारको काम कारबाही ठिक नभएका कारण सदन अवरुद्ध गर्ने बताउनुभएको थियो ।

लगतै नेकपाका सचेतक सुन्दरबहादुर विश्वकर्माले प्रदेश सरकारले प्रदेशको नामाकरण र भाषा टुंगो लगाउन ध्यान नदिएको तथा विभिन्न संसदीय समिति तय गर्न नसकेकोमा आक्रोश पोख्दै जवाफ नपाएसम्म सदन चल्न नदिने बताउनुभयो ।

त्यस्तै नेकपाका प्रदेश सांसद रामचन्द्र मण्डलले प्रदेश सरकार अराजक गतिविधितर्फ उन्मुख भएको आरोप लगाउनुभयो । उहाँले प्रदेश सरकारले करारमा कर्मचारी भर्ना सम्बन्धी विधेयक, प्रदेश प्रहरी ऐन ल्याएर द्वन्द सृजना गर्न खोजेको आरोप लगाउनुभयो । मण्डलले प्रदेश सरकारको रेड बुकमा देखिएको योजनाहरु बारा र पर्सामा बढी केन्द्रित भएको भन्दै आक्रोश पोख्नुभयो ।

–अनिश्चित समयका लागि भएकाे ठाउँमा अाइतबारसम्मका लागि भएकाे पछिल्लाे जानकारी अाएकाले सच्याइएकाे छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रदेश २ को प्रदेशसभा बैठक अाइतबारसम्मका लागि स्थगित

फाइल तस्बिर

तपाईको प्रतिक्रिया