महिलाको शरीरबाट तीनवटा रड वारपार

असोज २१, २०७५ आइतबार १९:२९:३ | उज्यालो सहकर्मी

दाङ – दाङको घोराहीमा आइतबार सवारी दुर्घटनामा एक महिला गम्भीर घाइते भएकी छिन् । दुई वटा मोटरसाइकल एक आपसमा ठोक्किँदा एक पैदल यात्रुको शरीरमा तीन वटा फलामे छड (रड) पसेको छ ।

घोराही उपमहानगरपालिका १५ शहीद उमेशमार्गमा मोटरसाइकलले ठक्कर दिँदा घोराही उपमहानगरपालिका ३ झिङनी बस्ने ३८ वर्षकी तिला परियार उछिट्टीएर फलामे छड बोकेको ट्याक्टरमा ठोक्किँदा छातीबाट तीन वटा छड (रड) पसेर ढाडबाट निस्किएको प्रत्यक्षदर्शीले बताएका छन् ।

रड अनलोड गर्नका लागि तयार भएको ट्याक्टरमा ठोक्किएर त्यस्तो घटना भएको हो । घटनामा संलग्न चालकसहित ट्याक्टर र दुवै मोटरसाइकललाई प्रहरीले नियन्त्रणमा लिएको छ । २४२९ नम्बरको मोटरसाइकल चालक घोराही उपमहानगरपालिका १४ बालमन्दिर चोकमा मोबाइल पसल गर्दै आएका २३ वर्षका हेराम वली घाइते भएका छन् ।

रा ३ प ५२५८ नम्बरको मोटरसाइकल र लु ४३ प २४२९ नम्बरको मोटरसाइकल आपसमा ठोक्किएपछि अनियन्त्रित भएको लु ४३ प २४२९ नम्बरको मोटरसाइकलले पैदल यात्रु ती महिलालाई ठक्कर दिएको थियो । मोटरसाइकलको ठक्करपछि महिला रा १ त २३२० नम्बरको ट्याक्टरमा ठोक्किएको प्रत्यक्षदर्शीले बताएका छन् ।

दुर्घटना लगत्तै रड काटेर घाइते परियारलाई उपक्षेत्रीय अस्पतालमा पुर्‍याइए पनि आसीयू नहुँदा उपचार गर्न नसकिएको भन्दै तत्काल भैरहवा रिफर गरिएको राप्ती स्वास्थ्य विज्ञान प्रतिष्ठानमा सहायक निर्देशक वसन्त लामिछानेले जानकारी दिनुभएको छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्