बैंकहरूले मङ्सिर महिनाका लागि पनि ब्याजदर घटाए

कात्तिक ३०, २०८१ शुक्रबार १५:०:५२ | उज्यालो सहकर्मी

काठमाण्डाै – वाणिज्य बैंकहरूले मङ्सिर महिनाका लागि पनि ब्याजदर घटाएका छन् । कात्तिकमा २० वटा वाणिज्य बैंकको औसत ब्याजदर ६ दशमलव १८ प्रतिशत रहेकोमा मङ्सिरमा शून्य दशमलव २० प्रतिशतले घटेर ५ दशमलव ९८ प्रतिशत कायम हुने भएको छ ।

यसअघिका महिनाहरूमा समेत लगातार ब्याजदर घटाएका बैंकहरूले मङ्सिरका लागि पनि ब्याजदर घटाएका हुन् । बैंकमा पैसा थुप्रँदै गएपछि लागत घटाउन बैंकहरू निक्षेप सङ्कलन कम गर्न खोजिरहेका छन् । उद्योगी र व्यवसायीबाट कर्जाको माग नभएपछि बैंकहरूमा पैसा थुप्रिएर बसेको छ । बैंकमा अधिक तरलता भएपछि सस्तो ब्याजमा नेपाल राष्ट्र बैंकले पैसा तान्ने क्रम पनि बढेको छ ।

मङ्सिरका लागि २० वटा वाणिज्य बैंकमध्ये ११ वटाले ब्याजदर घटाएका छन् । सबैभन्दा बढी माछापुच्छ्रे बैंकले ब्याजदर एक प्रतिशत घटाएको छ । आठ वटा वाणिज्य बैंकले ब्याजदर स्थिर राखेका छन् । राष्ट्रिय बाणिज्य बैंकले भने व्यक्तिगत मुद्दतीको ब्याजदर पाँच दशमलव आठ प्रतिशतबाट बढाएर ६ प्रतिशत पुर्‍याएको छ ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बैंकहरूले मङ्सिर महिनाका लागि पनि ब्याजदर घटाए

साङ्केतिक तस्वीर

तपाईको प्रतिक्रिया