इंग्लिस प्रिमियर लिग: फुलह्याममाथि आर्सनल ५–१ ले हावी

असोज २१, २०७५ आइतबार २०:१४:३१ | उज्यालो सहकर्मी

इंग्लिस प्रिमियर लिग अन्तर्गत आइतबार भएको खेलमा आर्सनलले फुलह्याममाथि ५–१ को जित निकालेको छ ।

फुलह्यामको मैदानमा भएको खेलमा पाहुना टोलीलाई जित दिलाउनका लागि अलेक्जेन्द्रे लाकाजेटी र पिएरे एमरिक अबामेयाङ्ले दुई-दुई गोल गरे । २९औं मिनेटमा लाकाजेटीले गोल गर्दै आर्सनललाई अग्रता दिलाए । ४४औं मिनेटमा एन्द्रे सर्लेले फुलह्यामका लागि गोल गर्दै खेल बराबरीमा पुर्‍याए ।

पहिलो हाफ १–१ गोलको बराबरीमा रहेको खेलको दोस्रो हाफमा आर्सनलले चार गोल गर्‍यो ।

४९औं मिनेटमा लाकाजेटीले व्यक्तिगत दोस्रो गोल गर्दै आर्सनललाई पुनः अग्रता दिलाए । ६७औं मिनेटमा अबामेयाङ्को पासमा एरोन राम्सेले गोल गरेपछि आर्सनलले अग्रता ३–१ मा लम्ब्यायो ।

७९औं मिनेटमा अबामेयाङ्ले गोल गरेपछि आर्सनलले ४–१ को अग्रता लियो । इन्ज्युरी समयमा अबामेयाङ्ले पनि व्यक्तिगत दोस्रो गोल गर्दा आर्सनलले ५–१ को फराकिलो जित निकाल्यो ।

जितसँगै आर्सनलले प्रिमियर लिग तालिकामा ८ खेलबाट १८ अंक बनाएको छ । फुलह्याम भने समान खेलबाट ५ अंक जोड्दै पुछारबाट चौथो स्थानमा छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्