पानी परेपछि ताप्लेजुङका किसान खुसी

फागुन १०, २०७९ बुधबार १८:३६:११ | केशवप्रसाद भट्टराई

ताप्लेजुङ – ताप्लेजुङमा आज बुधवार दिउँसोदेखि पानी परेपछि किसानहरू खुसी भएका छन् । असोजको पहिलो हप्तादेखि पानी नपरेर चिन्तित बनेका किसानहरू पानी परेपछि खुसी भएका हुन् ।

‘बारीमा लगाएका हिउँदे तरकारी सुक्न थालेका थिए, पानी परेपछि अब तरकारी खेती बाँच्ने आशा पलाएकाे छ’, फुङलिङ नगरपालिका ३ केनेमका किसान नेत्रप्रसाद भट्टराईले भन्नुभयाे । पानी परेपछि तरकारीसँगै तोरी, गहुँ बाली पनि सप्रिने उहाँले बताउनुभयाे ।

सुक्खा भएका कारण बारी जोत्नसमेत कठिन भएका बेला पानी परेपछि अब सहज हुने किसानहरू बताउँछन् । पानी परेसँगै ताप्लेजुङको मुख्य नगदेबाली अलैँचीलाई पनि ठूलाे राहत पुगेकाे छ । मैवाखोला गाउँपालिका ३ साघुँका किसान महलमान चोङ्बाङले सुक्न लागेका अलैँची पानी परेपछि सप्रिने आशा पलाएकाे बताउनुभयाे ।

तरकारीको पकेट क्षेत्र मनिएको फुङलिङ नगरपालिका ९ बुङ्कुलुङका किसान भए खुसी भएका छन् । सुक्खा भएका कारण बन्दाकाेभी, लसुन, छ्यापी, काउली, आलुलगायतका तरकारी सुक्न लागेका बेला पानी परेपछि किसान पासाङरिता शेर्पा पनि खुसी हुनुहुन्छ ।

पानी परेपछि हिमाली क्षेत्रका पशुपालक किसानलाई पनि राहत भएकाे छ । हिमाली क्षेत्रमा हिउँ पर्ने समय सकिए पनि पानी परेपछि चरन क्षेत्रमा घाँस छिटो पलाउने भएका कारण अब राहत हुने फक्ताङलुङ गाउँपालिका ७ ओलाङचुङगोलाका चुङ्दा शेर्पाले बताउनुभयो ।

ताप्लेजुङमा गएको वर्षभन्दा यस वर्ष हिँउदमा निकै कम पानी परेको छ । जल तथा मौसम विज्ञान ताप्लेजुङ फिल्ड कार्यालयका अनुसार अघिल्लो वर्षको पुसदेखि फागुन पहिलो हप्तासम्ममा ७१ दशमलव ५ मिलमिटर वर्षा भएको थियो । तर यस वर्ष त्यही अवधिमा ० दशमलव ७० मिलमिटरमात्रै वर्षा भएको छ ।

कार्यालयका सहायक डेबिट ढकालले यस वर्षको माघ २६ गते र २८ गते क्रमशः ० दशमलव ५ र ० दशमलव २ मिलमिटर वर्षा भएकाे जानकारी दिनुभयाे । यो तथ्याङ्कका आधारमा हिउँदयामको पुस, माघ र फागुनको पहिलो हप्ताभित्र ताप्लेजुङमा अघिल्लो वर्षभन्दा झन्डै १ सय २ प्रतिशत कम पानी परेको छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्