इजरायलमा कार्यरत मञ्जू थपलियालाई सूचिकृत गर्दै सुरु भयो वैदेशिक रोजगारीमा रहेका नेपालीका लागि सामाजिक सुरक्षा योजना

चैत ८, २०७९ बुधबार १२:४९:२५ | उज्यालो सहकर्मी

काठमाण्डौ – वैदेशिक रोजगारीमा रहेका श्रमिक तथा विदेशमा स्वरोजगार रहेकाहरुलाई सामाजिक सुरक्षा योजनामा जोड्न सूचीकरण कार्यको शुभारम्भ भएको छ ।

आज राष्ट्रिय सभागृहमा एक कार्यक्रमकाबीच इजरायलमा कार्यरत मञ्जू थपलियालाई सामाजिक सुरक्षा योजनामा सूचिकृत गर्दै प्रधानमन्त्री पुष्प कमल दाहाल प्रचण्डले सूचिकरण कार्यको शुभारम्भ गर्नुभएको हो ।
कार्यक्रमको शुभारम्भ आजदेखि भए पनि वैशाख १ गते देखि वैदेशिक रोजगारीमा जाने सबै श्रमिक यस योजनामा अनिवार्य रुपमा सूचिकृत हुनुपर्ने सामाजिक सुरक्षा कोषले जनाएको छ ।

वैदेशिक रोजगारीमा जान श्रम स्वीकृति लिने बेला नै यस योजनामा जोडिनुपर्ने व्यवस्था गरिएको कोषका निर्देशक रोशन कोजूले बताउनुभयो । उहाँका अनुसार वैदेशिक रोजगार सूचना व्यवस्थापन प्रणाली (फेमिस) मार्फत सजिलै सूचीकृत हुने व्यवस्था गरिएको छ ।

यस्तै वैदेशिक रोजगारीमा रहेका तथा श्रम स्वीकृतिको अवधि बाँकी रहेकाहरुले कोषको वेबसाइटमा गएर सामाजिक सुरक्षा योजनामा सूचीकृत हुन सक्नेछन् । साथै श्रम अवधि सकिएर पुनः श्रम स्वीकृति लिने बेला यस योजनामा आबद्ध भएपछि मात्र पुनः श्रमको प्रक्रिया अगाडि बढ्ने पनि उहाँले बताउनुभयो ।

यस योजना अनुसार श्रमिकले हरेक महिना कोषमा न्युनतम २ हजार २ रुपैयाँ जम्मा गर्नुपर्ने प्रावधान छ । यदि श्रमिकले ७ महिनाको अग्रिम योगदान गरे १० प्रतिशत छुटको व्यवस्था रहेको पनि उहाले बताउनुभयो ।
सामाजिक सुरक्षा योजनामा आबद्ध भएपछि प्राप्त सामाजिक सुरक्षा नम्बरमार्फत रकम नेपालमा रहेका बैंकबाट कोषमा रकम जम्मा गर्न सकिन्छ । यस्तै नेपालमा शाखा भएका विदेशस्थित रेमिटमार्फत पनि कोषमा रकम जम्मा गर्न मिल्छ ।

योगदानमा आधारित सामाजिक सुरक्षा ऐन, २०७४ अनुसार स्थापित सामाजिक सुरक्षा कोषले वैदेशिक रोजगारीमा रहेका श्रमिकहरुलाई समेत कोषमा आबद्ध गर्दै योगदानमा आधारित सामाजिक सुरक्षाको दायरा विस्तार गर्ने जनाएको छ ।

याे पनि...

वैदेशिक रोजगारीमा रहेका श्रमिकका लागि सामाजिक सुरक्षा योजनाको सुरुवात, यस्तो छ पाइने सुविधा

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्