आफ्नै काम गर्छन् ५५.३ प्रतिशत नेपाली, पुरुषभन्दा महिला धेरै

चैत १०, २०७९ शुक्रबार १७:२७:४१ | उज्यालो सहकर्मी

काठमाण्डौ – राष्ट्रिय जनगणना २०७८ ले ५५.३ प्रतिशत नेपालीले आफ्नै काम गर्ने गरेको देखाएको छ ।

१० वर्ष वा त्यो भन्दा बढी उमेरका आम्दानी गर्ने १ करोड ४९ लाख ८३ हजार ३ सय १० जनामा सबैभन्दा धेरै ५५.३ प्रतिशत अर्थात् ८२ लाख ९२ हजार ४५ जना आफ्नै काम गर्ने नेपालीहरू रहेको तथ्याङ्कले देखाएको छ । यस्तै अरूको काम गर्ने २८.६ प्रतिशत, परिवारमा सघाउने मात्र काम गर्ने १४.५ प्रतिशत, रोजगारदाता १.४ प्रतिशत र उल्लेख नभएको ०.१ प्रतिशत रहेको जनगणनाले देखाएको छ ।

प्रदेशगत रूपमा आफ्नै काम गर्नेमा सबैभन्दा धेरै ६५.६ प्रतिशत कर्णाली प्रदेशका रहेका छन् भने सबैभन्दा कम मधेस प्रदेशमा ४९.० प्रतिशत रहेका छन् । अरूको काम गर्नेमा सबैभन्दा बढी बाग्मती प्रदेशमा ३६.० प्रतिशत र सबैभन्दा कम कर्णाली प्रदेशमा १५.२ प्रतिशत रहेका छन् ।

आफ्नै काम गर्नेमा ५२.० प्रतिशत पुरुष रहेका छन् भने ५९ प्रतिशत रहेका छन् । अरूको काम गर्नेमा ३४.७ प्रतिशत पुरुष र २१.९ प्रतिशत महिला रहेका छन् ।

सबैभन्दा धेरै घरायसी क्षेत्रमा काम गर्नेहरू ६१.८ प्रतिशत रहेका छन् भने, गैर वित्तीय संस्थामा ३२.७ प्रतिशत, सरकारी सेवामा ३.९ प्रतिशत, वित्तीय संस्थामा १. १ प्रतिशत, नाफा नकमाउने संस्थामा ०.४ प्रतिशत रहेका छन् ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्