गोरखामा लगानी भित्र्याउन डाक्टर बाबुराम भट्टराईको पहल

असोज ३०, २०७५ मंगलबार १९:४३:५६ | किरण लोहनी

गोरखा – गोरखामा स्वदेशी तथा बाह्य लगानी प्रवर्द्धनका लागि गोरखा पुर्ख्याैली थलो भै हाल जर्मनीमा बस्दै आउनुभएका रामप्रताप थापाको संयोजनमा समिति बनाइएको छ ।

नयाँ शक्ति पार्टी नेपालका संयोजक एवम् प्रतिनिधिसभाका सांसद डाक्टर बाबुराम भट्टराईको आयोजनामा मंगलबार काठमाडौंमा भएको भेलाले गैरआवासीय नेपाली संघका संरक्षक थापाको संयोजनमा संयन्त्र समिति बनाएको हो ।

छलफलले गोरखालाई विकास र आर्थिक समृद्धिको हिसावले देशकै नमूना जिल्ला बनाउने अठोट गरेको छ । त्यसलाई कार्यान्वयनको दिशामा लैजानका लागि समिति बनाइएको छ ।

समितिमा एनआरएनका अध्यक्ष भवन भट्ट, उपाध्यक्ष कुमार पन्त, कृष्ण लामिछाने, फणिन्द्र पन्त, ऋषि ढकाल, वसन्तचन्द्र मरहट्टा, राजेन्द्रराज पन्त, गोपालबाबु श्रेष्ठ, पदम गुरुङ सदस्य रहनुभएको छ ।

समितिमा गोरखा उद्योग वाणिज्य संघ, गोरखा चेम्बर अफ कमर्श र शिशिर भट्टलाई प्रतिनिधिका रुपमा राखिएको छ । थापा नेतृत्वको संयन्त्र समितिको विज्ञ समूहमा डाक्टर स्वर्णिम वाग्ले, डाक्टर लक्ष्मीप्रसाद देवकोटा र डाक्टर दिनेशचन्द्र देवकोटा रहनुभएको भट्टराईका स्वकीय सचिव रोशन पोखरेलले बताउनुभयो ।

संयन्त्र समितिको सल्लाहकारमा डाक्टर भट्टराईसहित सांसद सुरेन्द्रराज पाण्डे, गण्डकी प्रदेशका मन्त्री रामशरण बस्नेत, गोरखाबाट प्रतिनिधित्व गर्ने सबै साँसद, पालुङटार र गोरखा नगरपालिकाका मेयर रहेका छन् ।

गोरखा क्षेत्र नम्वर २ का सांसद समेत रहनुभएका बाबुराम भट्टराईको संयोजन भएको छलफलमा गोरखामा सम्भावित लगानीको क्षेत्रका बारेमा वक्ताहरुले आफ्ना भनाई राख्नुभएको थियो ।

छलफलमा लिगलिगे दौडलाई अन्तर्राष्ट्रियकरण गर्ने, गोरखाको उत्तरी भेगमा जडिबुटी उद्योग, कस्तुरी पालनको सम्भावनाबारे चर्चा भएको भट्टराईका स्वकीय सचीव पोखरेलले जानकारी दिनुभयो ।

यस्तै लिगलिगकोट, सिरानचोक, अजिरकोट, बारपाक, सितागुफा, भिमसेन थापा जन्मस्थल, मनकामना, शहिद लखन हुँदै गोरखा दरबारसम्मको पर्यटकीय सर्किट निर्माण लगायतबारे पनि छलफल भएको थियो ।

छलफलमा गोरखाबाट निर्वाचित जनप्रतिनिधि, एनआरएनका अध्यक्षसहित विदेशमा पेशा व्यवसाय गर्दै आएका र देशका विभिन्न भागमा रहेका गोरखालीहरुको सहभागिता रहेको थियो ।

प्रचूर सम्भावना भएर पनि विकासका दृष्टिले पछि परेको गोरखालाई विकासको नमूना जिल्लाका रुपमा विकास गर्न छलफल गरिएको डाक्टर भट्टराईले बताउनुभयो ।
अबको एक दशकभित्र गोरखाको कायापलट गर्ने उहाँको दावी छ । त्यसका लागि संयन्त्र समितिले विज्ञ सहितको सहभागितामा लगानीको क्षेत्र पहिचान गर्नेछ । त्यसपछि स्थानीय, प्रदेश र संघीय सरकारको समन्वयमा लगानी भित्राउने काम शुरु हुने डाक्टर भट्टराईले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

1 Comments

Bidur Thapa
Oct. 18, 2018, 5:35 a.m.
पहिला जनताको दैनिकी परिवर्तन हुने काम गर्नु......वाटोहरु पक्कै बनाउनु,....यस्तो गफ त मान्छेले धेरै अगाडी देखि सुन्दैछन् , कान फुट्नेबेला भैसक्यो /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गोरखामा लगानी भित्र्याउन डाक्टर बाबुराम भट्टराईको पहल

1 Comments

Bidur Thapa

तपाईको प्रतिक्रिया

तपाईको प्रतिक्रिया