बलिउडकाे याैन दुर्व्यवहारबारे बाेलिन् अर्की नायिका चित्रांगदा, भनिन्- धम्क्याएर घिनलाग्दाे दृश्य खिचिन्थ्याे

असोज ३०, २०७५ मंगलबार २०:११:५३ | उज्यालो सहकर्मी

बलिउडमा मी टू अभियान आगो झैं फैलिरहेको छ । हालै बलिउड अभिनेत्री चित्रांगदा सिंहले पनि सन् २०१६ मा उनले खेलेको चलचित्र ‘बाबुमोशाई बन्दुकबाज’ का निर्माता कुशन नंदीले सुटिङको बेला उनलाई दुःख दिएको बताएकी छिन् ।

एक खबरका अनुसार, चित्रांगदालाई नंदीले सुटिङको समयमा भनेका थिए, ‘आफ्नो सारी फुकाल, हिरोको माथी चढ र आफ्नो सरिर रगड ।’

त्यतिबेला जब चित्रांगदाले यसको विरोध गरिन्, नंदीले उनलाई तबसम्म सताइरहे जबसम्म उनी झुकिनन् ।

मिडिया रिपोर्टका अनुसार चित्रागदाले यो कुराको खुलासा आफैँले गरिन् कि त्यो समयमा फिल्ममा उनका साथी अभिनेता अर्थात उनका सह कलाकार नवाजुद्धिन सिद्दिकी पनि उनको समर्थनमा अगाडि बढेनन् ।

सहयोग गर्नुको सट्टा निर्देशकले कसरी उनलाई सताइरहेको छ हेर्दै बसेको कुरा चित्रांगदाले मिडियासामु बोलेकी छिन् ।

उनले बताइन्, ‘ मैले यस्तो काम गर्न सक्दिन भनेर अनुरोध पनि गरें । तर निर्देशकले झगडा गर्नु केही छैन, जे आवश्यक छ त्यही गर भने । मलाई यस्तो गर्नको लागि धम्की दिएको थियो । यही कारण फिल्मका केही कलाकार फेर्नुपरेको थियो । तर नवाज भने चुपचाप बसेका थिए । ’

चित्रांगदाले भनिन्, ‘जति म यो घटनालाई बिर्सिन खोज्छु, त्यति गाह्रो हुन्छ । यसको बारेमा मैले दुई वर्षअगाडि कुरा गरेकी थिएँ, त्यतिबेला मलाई मानिसहरुले पागल केटी समेत भनेका थिए ।’

उनको भनाइमा जबसम्म चलचित्र क्षेत्रमा महिलाहरुले शोषणको विरुद्धमा आवाज उठाउँदैनन्, तबसम्म उनीहरु माथि शोषण भइरहनेछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्