पुल भासिँदा पृथ्वी राजमार्गमा गाडी आउजाउ बन्द

वैशाख १८, २०८० सोमबार १७:३०:४२ | सिताराम अधिकारी

धादिङ – पृथ्वी राजमार्गअन्तर्गत धादिङमा पुल भासिँदा गाडीको आउजाउ बन्द भएको छ । धुनीबेसी नगरपालिका र थाक्रे गाउँपालिकाको सिमानामा रहेको गणेश खोलाको मोटरेबल पुल भासिँदा राजमार्गमा गाडी रोकिएका हुन् ।

आज साेमवार दिउँसो पानी परेपछि सुरुमा पुलको धुनीबेसीपट्टिको भाग भासिएको थियो । केही समय एकतर्फी गाडी चलेकोमा दिउँसो ४ बजेपछि पूरै सडक बन्द भएको जिल्ला प्रहरी कार्यालय धादिङले जनाएको छ । भासिएको पुलसँगै सडक आयोजनाले नयाँ पुल निर्माणको काम थालेको थियो ।

राजमार्ग बन्द भएपछि साना गाडीले कच्ची सडक प्रयोग गरिरहेका छन् भने ठूला गाडीका लागि सडक मर्मत गरेर मात्र सञ्चालन गर्न सकिने जिल्ला प्रहरी कार्यालय धादिङ प्रहरी नायब उपरीक्षक (डीएसपी) सन्तुलालप्रसाद जैसवारले जानकारी दिनुभयो । यस्तै सहजताअनुसार हेटौँडा–काठमाण्डौ र काठण्माडौ–नुवाकोट–गल्छीको बाटो प्रयोग गर्न ट्राफिक प्रहरीले अनुरोध गरेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्