संरक्षणको अभावमा मगर संग्रहालय संकटमा

कात्तिक ८, २०७५ बिहीबार १६:१४:२६ | माधवकुमार ओली

रोल्पा – उचित व्यवस्थापन र संरक्षणको अभावमा रोल्पाको लिबाङस्थित मगर संग्रहालय संकटमा परेको छ ।

मगर समुदायको बाहुल्यता रहेको रोल्पाका मगर समुदायहरुको परम्परागत भेषभुषा, संस्कृति र रहन सहनलाई झल्काउने सामग्रीहरु राखिएको यो संग्रहनलय संरक्षणको अभावमा संकटमा परेको हो । गएको ३ वर्षअघि उच्च पहाडी गरिबी निवारण आयोजना (उपाप)को आर्थिक सहयोग र स्थानीय मगर बुद्धिजीवीहरुको सक्रियतामा खोलिएको यो संग्रहालय सदरमुकामस्थित भाडामा लिइएको एउटा बन्द कोठामा सीमित हुन पुगेको छ । संग्रहालय स्थापनाका लागि सक्रिय बनेका व्यक्तिहरु अहिले आ–आफ्नै पेशा, व्यवसायमा मात्र व्यस्त भएपछि अहिले संग्रहालय महिनौंसम्म पनि बन्द हुने गरेको संग्रहालयका सचिव जोखबहादुर पुनले बताउनुभयो ।

रोल्पा नगरपालिकाले थोरै बजेट दिएपछि गत आर्थिक वर्षको कोठा भाडा बुझाएको भए तापनि यो वर्ष भने संग्रहालयले कहाँबाट लिएर घर भाडा बुझाउने भन्ने अझै अन्यौलमा रहेको छ । लोप हुन लागेको मगर संस्कृति, भेसभुषा र परम्परागत जीवनशैलीलाई भावी पुस्तासम्म बचाइराख्ने उद्देश्यले स्थापना गरिएको संग्रहालय अहिले अधिकांश समय बन्द रहेको हुन्छ ।

देशकै सबैभन्दा बढी मगर समुदायको बसोबास रहेको रोल्पा जिल्लामा यस्ता जीवन्त संस्कृति झल्काउने सामग्रीहरुलाई प्रचार प्रसारसँगै संरक्षणको खाँचो रहेको छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्