नेपालमा धर्मको संख्या १०, जातजाति १४२ र मातृभाषा १२४

 जेठ २०, २०८० शनिबार ७:१४:२० | उज्यालो सहकर्मी
unn.prixa.net

काठमाण्डाै – नेपालमा धर्मको संख्या १० वटा कायम भएको छ । राष्ट्रिय जनगणना, २०७८ को तथ्याँकअनुसार जातजातिको संख्या १४२ र मातृभाषा संख्या १२४ कायम भएको छ ।

राष्ट्रिय तथ्याँक कार्यालयका अनुसार जनगणनाको क्रममा उत्तरदाताहरूले दिएका जवाफका आधारमा र विज्ञसमूहको सिफारिस अनुसार जातजातिको संख्या १४२, मातृभाषा संख्या १२४ र धर्म संख्या १० कायम भएको हो । २०६८ को जनगणनामा जातजाति १ सय २५ रहेकामा अहिले १७ थप भएको छ ।

कार्यालयका अनुसार २०६८ को जनगणना अनुसार १ सय २३ वटा मातृभाषा थिए । अहिले 'अन्य भाषा' समेत जाेडेर मातृभाषाकाे सङ्ख्या एक सय २४ कायम गरेकाे छ । १२ वटा विदेशी भाषा बोल्ने एकदमै न्यून व्यक्तिहरुको संख्या र अहिले नयाँ थप भएका १३ वटा समेतलाई जाेडेर 'अन्य भाषा'मा राखिएकाे हाे ।

यस्तै नेपालमा ८१ प्रतिशतभन्दा धेरै मानिसले हिन्दु धर्म मान्ने गरेको पनि तथ्याङ्कमा उल्लेख छ । २०७८ सालको जनगणनाअनुसार नेपालको कुल जनसंख्या २ करोड ९१ लाख ६४ हजार ५ सय ७८ पुगेको छ । उनीहरुमध्ये सबभन्दा धेरै २ करोड ३६ लाख ७७ हजार ७४४ जना अर्थात् ८१ दशमलव १९ प्रतिशतले आफ्नो धर्म हिन्दु भएको बताएका छन् । यस्तै २३ लाख ९३ हजार ५४९ जना अर्थात् ८ दशमलव २१ प्रतिशतले बौद्ध धर्म मान्ने गरेका छन् । ५ दशमलव ०९ प्रतिशतले इस्लाम, ३ दशमलव १७ प्रतिशतले किराँत र १ दशमलव ७६ प्रतिशतले क्रिश्चियन धर्म मान्ने गरेको पाइएको राष्ट्रिय तथ्यांक कार्यालयले जनाएको छ । 


*जातजाति हुनुपर्नेमा यसअघि जनजाति भएकाेमा सच्याइएकाे छ ।

अन्तिम अपडेट: मंसिर २६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • चाम्लिङ युबराज

    Aug. 29, 2023, 7:13 p.m.

    सबै धर्मको मर्म मान्याता हुन्छ मलाइ लाग्छ अरु पनि धर्म मान्ने धेरै नेपाली हरु छ सर्कारी तथ्यांक मा आटाउन सकेको छैन सबै धर्म को सम्रछेन हुन जरुरी छ

  •  0 Reply

  • Krishna sedhai

    June 6, 2023, 10:28 p.m.

    हिन्दु राज्री घोषणा होस ८१% भन्दा बढिले यहि धर्म मान्दा रहेछन

  •  1 Reply

तपाईको प्रतिक्रिया

समाचार

लोकप्रिय

१

निजामती कर्मचारी ऐन संशोधन माथि छलफल शुरू

२

विद्रोहीले कब्जा गरेसँगै सिरियामा इजरायलको हवाई आक्रमण

३

रौतहट जीप दुर्घटना अपडेट : ज्यान गुमाउने आठ जनाको परिचय खुल्यो

४

लामिछानेमाथि भइरहेको अनुसन्धानलाई प्रभावित पार्ने गरी गतिविधि नगर्न गृहमन्त्री लेखकको आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई