लुम्बिनीमा भारत र तेस्रो देशका पर्यटक आउने क्रम बढ्यो, ५ महिनामा ४ लाख ७० हजारभन्दा धेरै भित्रिए

जेठ २३, २०८० मंगलबार ७:३९:५८ | उज्यालो सहकर्मी

काठमाण्डाै – धार्मिक तथा पर्यटकीय स्थल लुम्बिनीमा भारतीय र तेस्रो देशका पर्यटक आउने क्रम बढेको छ । लुम्बिनीमा अहिले आन्तरिक पर्यटकको पनि चहलपहल छ ।

पछिल्लो पाँच महिनामा लुम्बिनीमा चार लाख ७० हजारभन्दा धेरै पर्यटक भित्रिएका छन् । सन् २०२३ को जनवरीदेखि मे महिनासम्म चार लाख ७० हजार पाँच सय ४२ जना पर्यटक लुम्बिनी भित्रिएका हुन् । सन् २०२२ को जनवरीदेखि मे महिनासम्म तीन लाख ६२ हजार ५६ जनाले लुम्बिनी भ्रमण गरेका थिए । गएको वर्षभन्दा यस वर्ष भित्रिएका पर्यटकको सङ्ख्या एक लाख आठ हजारभन्दा धेरै रहेको छ ।

गएको जनवरीदेखि मे महिनासम्ममा ६७ देशका ३४ हजार चार सय १३ जना राहदानी लिएका, तीन लाख २४ हजार दुई सय ६८ नेपाली र एक लाख ११ हजार आठ सय ६१ भारतीय नागरिकले गाैतम बुद्धकाे जन्मस्थल लुम्बिनीको भ्रमण गरेको तथ्याङ्क छ । पाँच महिनाको अवधिमा नेपाली र भारतीय नागरिकबाहेक थाइल्यान्डका आठ हजार दुई सय ४७, श्रीलङ्काका पाँच हजार सात सय २१, म्यानमारका पाँच हजार तीन सय ९८, भियतनामका तीन हजार दुई सय ३५, कोरियाका दुई हजार छ सय २९, चीनका एक हजार दुई सय आठ र अन्य देशका सात हजार छ सय ७५ जना नागरिकले लुम्बिनीको भ्रमण गरेको लुम्बिनी विकास कोषले जनाएको छ ।

कोरोना महामारीको बेला सन् २०२१ मा ६८ देशका एक हजार एक सय ९७ जना राहदानी लिएका नागरिकले लुम्बिनी भ्रमण गरेका थिए । लुम्बिनीमा पर्यटक वृद्धिसँगै पर्यटन व्यवसायलाई पनि राहत पुगेको पर्यटन व्यवसायी सङ्घ लुम्बिनीका अध्यक्ष हुसेनी लोधले बताउनुभयो ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्