विद्यालयका कर्मचारी र ईसीडी शिक्षक थाल ठटाउँदै प्रदर्शनमा (तस्बिरहरू)

जेठ २८, २०८० आइतबार १४:२६:३२ | उज्यालो सहकर्मी

काठमाण्डाै – सामुदायिक विद्यालयमा कार्यरत कर्मचारी र प्रारम्भिक बाल विकास (ईसीडी) शिक्षकहरूले काठमाण्डौको माइतीघर मण्डलामा प्रदर्शन गरेका छन् ।

नेपाल विद्यालय कर्मचारी परिषद्को अगुवाइमा केही हप्तादेखि आन्दोलन गरिरहेका कर्मचारीहरूले आज आइतवार थाल, घन्टीलगायतका भाँडाकुडा ठटाउँदै नाराबाजी गरेका छन् ।प्रदर्शनकारीहरूले शिक्षा क्षेत्रको समस्या समाधान गर्न आवश्यक सङ्घीय शिक्षा ऐन जारी गर, बुँदा नम्बर १२७ खोइ ?, श्रम शोषण बन्द गरलगायतका नारा लेखिएका प्ले कार्ड प्रदर्शन गरेका छन् ।

प्रदर्शनकारीहरूले विद्यालयका पियन र लेखापालको न्यूनतम पारिश्रमिकको माग गरेका छन् । सरकारको नीति तथा कार्यक्रमको बुँदा नम्बर १२७ मा सेवा सुविधा बढाउने भनिए पनि बजेटमा त्यस कुरा नआएकोले आन्दोलन गर्नुपरेको उनीहरूको भनाइ छ ।

ईसीडी शिक्षकहरू महिनाको आठ हजार रुपैयाँ पारिश्रमिकमा काम गर्दै आएका छन् । केही पालिकाले विद्यालय कर्मचारी र बाल विकास शिक्षकलाई रकम थप गरेर महिनाको १७ हजार रुपैयाँ पारिश्रमिक दिने गरेको भए पनि धेरैजसो पालिकाले रकम थपेका छैनन् ।

विरोध कार्यक्रममा नेपाल विद्यालय कर्मचारी परिषद्का राष्ट्रिय अध्यक्ष गंगाराम तिवारीले माग पूरा नभएमा असार १ गतेपछि अनिश्चितकालका लागि सामुदायिक विद्यालय बन्द गर्ने चेतावनी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्