नेपालमा पहिलो पटक मङ्कीपक्स सङ्क्रमण पुष्टि

असार १, २०८० शुक्रबार १९:२०:४४ | उज्यालो सहकर्मी

काठमाण्डाै – नेपालमा पहिलो पटक 'एमपक्स' अर्थात् मङ्कीपक्सको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले विज्ञप्ति निकालेर एक जनामा मङ्कीपक्सको लक्षण देखिएर परीक्षण गर्दा सङ्क्रमण पुष्टि भएको जानकारी दिएको हो ।

नमुना सङ्कलन गरी राष्ट्रिय जनस्वास्थ्य प्रयोगशाला टेकुमा परीक्षण गर्दा यो रोगको पुष्टि भएको स्वास्थ्य मन्त्रालयले जनाएको छ । नेपालमा पहिलो पटक भेटिएको यो सङ्क्रमण अहिलेसम्म एक सय ११ देशमा पुष्टि भइसकेको छ । स्वास्थ्य मन्त्रालयका सहप्रवक्ता डा. समिरकुमार अधिकारीले विदेशी नागरिकमा मङ्कीपक्स देखिएको बताउनुभयो । सङ्क्रमण पुष्टि भएका विदेशी नागरिक काठमाण्डाैकाे एक अस्पतालमा डाक्टरकाे निगरानीमा उपचार गराइरहेका छन् ।

अर्थोपोक्स भाइरस परिवारको मङ्कीपक्स भाइरसबाट हुने यो रोग मानिसबाट मानिस वा जनावरबाट मानिसमा सर्ने विश्व स्वास्थ्य सङ्गठनले जनाएको छ । सन् १९८० मा मध्य पूर्वी र पश्चिम अफ्रिकामा देखिएको मङ्कीपक्स त्यसयता निरन्तर देखिइरहेको छ । अघिल्लो वर्षदेखि यसले विश्वव्यापी प्रकोपको रूप लिएको छ । मङ्कीपक्स भाइरस सार्ने स्रोतबारे यकिन जानकारी नभए पनि लोखर्के र बाँदर यस रोगका लागि संवेदनशील हुने विश्व स्वास्थ्य सङ्गठनले जनाएको छ । मङ्कीपक्स सङ्क्रमण भएका व्यक्तिमा ज्वरो आउने, शरीरका विभिन्न भागमा फोका हुँदै पाप्रा उप्कने, टाउको, ढाड र मांसपेशी दुख्ने, आँखामा सङ्क्रमण भई दृष्टीविहीन हुन सक्ने, निमाेनिया हुनेजस्ता लक्षण र मृत्युसमेत हुन सक्ने स्वास्थ्य मन्त्रालयले जनाएको छ ।

यो भाइरस सङ्क्रमण भएपछि शरीरमा पानीसहितको मसिनो बिमिरा आउने र त्यही बिमिरा फुटेर त्यहाँभित्र भएको पानी अर्को व्यक्तिको शरीरमा पुगेर सङ्क्रमण हुन सक्ने साथै सङ्क्रमित व्यक्तिको सिँगान, कफ तथा कपडा प्रयोग गरेमा पनि यो भाइरस सर्ने जोखिम हुन्छ ।

स्वास्थ्य मन्त्रालयले विज्ञप्तिमा सम्भावित लक्षण भएका व्यक्तिसँग असुरक्षित सम्पर्कमा नजाने, हात धुने, स्यानिटाइजर प्रयोग गर्नेलगायतका सावधानी अपनाउन भनिएको छ । यस्तै लक्षण देखिएमा सम्पर्क गर्न पनि स्वास्थ्य मन्त्रालयले आग्रह गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालमा पहिलो पटक मङ्कीपक्स सङ्क्रमण पुष्टि

प्रतीकात्मक तस्बिर

तपाईको प्रतिक्रिया