अघिल्लो सरकारका कारण चुनावी घोषणापत्र अनुसार बजेट आएन : प्रधानमन्त्री ओली

जेठ २६, २०७५ शनिबार ११:३०:७ | सुमन तिमल्सिना

मोरङ – प्रधानमन्त्री केपी शर्मा ओलीले संघीय सरकारले ल्याएको बजेटमा प्रदेशले असन्तुष्टि पोख्न आवश्यक नरहेको बताउनुभएको छ ।

विराटनगर विमानस्थलमा पत्रकारसँग कुरा गर्दै प्रधानमन्त्री ओलीले नयाँ प्रणाली भएको कारण सबैपक्षबाट उपयुक्त ढंगले सुगठन र परिचालनमा समय लाग्ने बताउनुभयो । तुरुन्तै व्यवस्थित भईहाल्ने अवस्था नभएकोले त्यसलाई व्यवस्थापन गर्दै लगिने उहाँको भनार्इ थियो ।

चुनावी घोषणा पत्र अनुसार बजेट ल्याउन नसकेको विषयमा ओलीले अघिल्लो सरकारलाई दोष थोपर्नुभयो । अघिल्लो सरकार बिना योजना ७ सय ५० अर्ब बाँडेकोले त्यो तिनुपर्ने दायित्व अहिलेको सरकारको रहेको उहाँको आरोप थियो ।

‘साढे ७ खर्ब अघिल्लो सरकारले मनपरी बाँडेको अवस्था छ, यो राजश्वको ठूलो प्रतिशत हामीले दायित्व लिनु पर्ने छ’, ओलीले भन्नुभयो, ‘अहिले अर्थतन्त्रको हिसाबले घुँडा टेकेको छ, त्यसलाई ट्याकमा ल्याउनु छ । ’

योजनामा नै नभएका ठेक्का पट्टाहरु लागेकोले ७ खर्ब ५० अर्ब भनेको ठूलो रकम भएकालेले यो दायित्व पूरा गर्नुपर्ने सरकारको दायित्व रहेको ओलीले बताउनुभयो ।अघिल्लो सरकारको मनपरी निर्णयको कारण अहिले सामाजिक सुरक्षाको पक्षलाई धेरै बढाउन सक्ने अवस्था नरहेको प्रधानमन्त्री ओलीले बताउनुभयो । ‘सामाजिक सुरक्षाको सवालमा गम्भीरताको साथ सोचिएको छ’, प्रधानमन्त्री ओलीले भन्नुभयो, ‘तत्काललाई नभए पनि अरु ढंगले बीमा, स्वास्थ्य सुविधाको पक्षहरुमा ध्यान दिएका छौ ।’

आगामी दिनमा भताभुङग पारिएका क्षेत्रहरुलाई ट्याकमा ल्याएपछि थप विषयहरु नागरिकको सामाजिक सुरक्षासँग जोडिएर आउने ओलीले बताउनुभयो । श्रोतको सुनिश्चितता भन्दै उधारो र धरौटी बिनाको जमानी गर्दै ठेक्का पट्टा कार्यक्रम स्वीकृत गरेर अघिल्लो सरकारले अर्थतन्त्र भाताभुंग पारेको ओलीको आरोप छ ।

ओलीले समस्या भएपनि देशबाट गरिबी हटाउने प्रतिबद्धता जनाउनुभएको छ । ‘यो गरिब बस्ने देश हैन, यहाँ धनी बस्ने र धनी हुने देशको सम्भावना छ’, ओलीले भन्नुभयो, ‘यहाँ र त्यहाँ पुगेन भन्ने कुरा केही समयसम्म मात्र रहन्छ ।’

संघीय समाजवादी फोरमलाई सरकारमा ल्याइएको विषयमा ओलीले भन्नुभयो, ‘अब विपक्षी दललाई पनि सरकारमा ल्याउन बेर छैन ।’ प्रदेशहरुमा पनि संघीय समाजवादीसँग मिलेर सरकार बनाउने विषय सम्भावनाको रहेको उहाँो भनाई थियो । ‘जहाँ–जहाँ जसरी छन्, त्यसकै आधारमा देश बनाउने मनसायका बीच अघि बढेको छौ’, ओलीले भन्नुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्