ढल्केवरमा हात्ती आतंक, दर्जनौं घर र बालिनालीमा क्षति

जेठ २६, २०७५ शनिबार १३:९:५५ | शैलेन्द्र महतो

धनुषा – मिथिला नगरपालिका–७, ढल्केवरमा तीन दिनदेखि जंगली हात्तीले आतंक मच्चाएको छ ।

गएको बुधबार राति जंगलबाट गाउँ पसेको तीन हात्तीले दुई घर भत्काउनुको साथै किसानको बालीनाली समेत नष्ट गर्ने गरेका छन् । अहिलेसम्म ढल्केवर, एकलेबर र केवलीपुर गरी तनवटा टोलमा दुई दर्जनभन्दा बढी घरहरुमा हात्तीले क्षति पुर्याएका छन् भने किसानको बालीनालीलाई समेत नष्ट गरेका छन् ।

बुधबार राति गाउँ पसेका तीन हात्तीलाई इलाका प्रहरी कार्यालय ढल्केवरले पाँच राउण्ड गोली हावाई फायर गरी धपाएर जंगल छिराएको थियो । तर पनि तीनै वटा हाती राति नै पुनः गाउँमा पसेर आतंक मच्चाउने गरेको स्थानीय विष्णु बस्नेतले गुनासो गर्नुभयो ।

अहिलेसम्म कुनै मानवीय क्षति नभए पनि दुई दर्जनभन्दा बढी घर र किसानहरुको बालीनालीमा क्षति पुगेको स्थानीबासिन्दाले दुखेसो पोखेका छन् । हात्ती राति गाउँ पसेर आतंक मच्चाएपछि स्थानीयबासिन्दा त्रसित हुँदै सुत्न समेत छाडेका छन् । रातभरि जग्राम बसेर स्थानीय बासिन्दा जीउधनको सुरक्षा गर्न थालेको स्थानीयबासिन्दा जितेन्द्र सिंहले बताउनुभयो ।

गाउँबासीले हात्ती धपाएर शान्तिसुरक्षा कायम गरिदिन प्रशासनसँग गुहार समेत गरेका छन् ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्