विश्व पर्यटन दिवस मनाउन ठाकुरबाबा नगरपालिकामा आज सार्वजनिक बिदा

असोज १०, २०८० बुधबार ९:५२:३ | भावुक योगी

बर्दिया – बर्दियाको ठाकुरबाबा नगरपालिकाले आज ४४ औँ विश्व पर्यटन दिवस मनाउन सार्वजनिक बिदाको घोषणा गरेको छ । नगर अस्पताल बाहेक नगरपालिका मातहातका सबै कार्यालय र शिक्षण संस्था बन्द रहने प्रमुख प्रशासकीय अधिकृत रामहरी रिजालले जानकारी दिनुभयो ।

ठाकुरबाबा नगरपालिका तथा पर्यटन विकास परिषद लुम्बिनी प्रदेशको आयोजनामा ठाकुरबाबा नगरपालिका ९ ठाकुरद्वारामा आज प्रदेश स्तरीय विश्व पर्यटन दिवस मनाउन लागिएको मेयर तिलकराम लम्सालले बताउनुभयो ।

‘बाघ मात्र होइन सांस्कृतिक र प्राकृतिक हिसाबले पनि बर्दिया पर्यटकीय क्षेत्रका रुपमा चिनाउनु छ, त्यसैले बर्दियाका होमस्टे, पर्यटकीय क्षेत्र र प्राकृतिक वातावरणलाई प्रचारप्रसार गर्नु प्रमुख उद्देश्य रहेको छ,’ उहाँले भन्नुभयो ।

बर्दिया राष्ट्रिय निकुञ्ज मूल गन्तव्यसहित बर्दियालाई चिनाउनकै लागि यस वर्षको प्रदेश स्तरीय विश्व पर्यटन दिवस बर्दिया राष्ट्रिय निकुञ्ज रहेको ठाकुरबाबा नगरपालिका ९ ठाकुरद्वारामा मनाउन लागिएको उपमेयर विना कुमारी भट्टराईले बताउनुभयो ।

विश्व पर्यटन दिवस मनाउन प्रदेश तथा जिल्लाका सरोकारवालासहित ३६ सदस्यीय मूल समिति गठन गरिएको नगरपालिकाले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्