दक्षिण एसियाली कराँते च्याम्पियनसिप मंसिरको तेस्रो हप्तादेखि

मंसिर १, २०८० शुक्रबार १९:३३:४९ | उज्यालो सहकर्मी

काठमाण्डाै - सातौँ दक्षिण एसियाली कराँते च्याम्पियनसिप आउँदाे मंसिरको तेस्रो हप्तादेखि शुरु हुने भएको छ ।

नेपाल कराँते महासङ्घको आयोजनामा आउँदाे मंसिर १६ गतेदेखि ६ राष्ट्रले प्रतिस्पर्धा गर्ने दक्षिण एसिया कराँते च्याम्पियनसिप हुन लागेको हो । यस किसिमको च्याम्पियनसिप २५ वर्षपछि आयोजना गर्न लागेकाले यो आयोजनाले नेपाली कराँतेको गरिमा अझ बढाउने आयोजकको विश्वास छ ।

महासङ्घले शुक्रवार पत्रकार सम्मेलन आयोजना गर्दै च्याम्पियनसिपबारे जानकारी दिएको हो । नेपालसहित बङ्लादेश, भुटान, भारत, पाकिस्तान र श्रीलङ्काले दुईदिने च्याम्पियनसिपमा प्रतिस्पर्धा गर्ने महासङ्घका अध्यक्ष युवराज लामाले जानकारी दिनुभयो ।

प्रतिबन्धमा रहेकाले श्रीलङ्काको भने एनओसी टिम सहभागी हुने जनाइएको छ । च्याम्पियनसिपमा क्याडेट, जुनियर, यू–२१ र सिनियरमा गरी चार विधामा कुल तीन सय ५३ खेलाडीले प्रतिस्पर्धा गर्नेछन् । महासङ्घका महासचिव दावा गुरुङले कुल ६२ स्वर्णका लागि प्रतिस्पर्धा हुने जानकारी दिनुभयो । यस क्रममा क्याडेटमा १२, जुनियरमा १५, यू–२१ मा १६ र सिनियरमा १९ स्पर्धामा खेल हुनेछ । नेपालबाट भने ६८ खेलाडीले सबै स्पर्धामा प्रस्तुति दिने भएका छन् ।

नेपाली खेलाडीको प्रशिक्षणका लागि ६ प्रशिक्षक र दुई व्यवस्थापकको व्यवस्था गरिएको छ । गोकर्णेश्वरमा रहेकाे शङ्खडोल कराँते एकेडेमीमा कुमुते टोली र बौद्ध डोजामा काता टोलीले तयारी गरिरहेका छन् ।

महासङ्घका अध्यक्ष लामाले प्राविधिक रूपमा यो प्रतियोगिता आयोजना गर्नुपर्ने बङ्लादेशले प्रस्ताव नै नगरेकाले नेपालले आयोजनाका लागि प्रस्ताव गरेकोमा एसियाली कराँते महासङ्घ(एकेएफ) ले स्वीकृति दिएको जानकारी दिनुभयो । एकेएफ र राखेपबाट स्वीकृति पाएको प्रतियोगितालाई विश्व कराँते महासङ्घ (डब्लूकेएफ) र नेपाल ओलम्पिक कमिटीले पनि मान्यता दिएको कराँते महासङ्घले जनाएको छ ।

च्याम्पियनसिपका खेलहरू त्रिपुरेश्वरमा रहेकाे राखेपको कभर्ड हलमा हुनेछ । आयोजकले प्रतियोगिता सञ्चालन गर्न करिब एक करोड १० लाख रुपैयाँ खर्च हुने अनुमान गरेको छ । प्रतियोगिताअघि मंसिर १२ गतेदेखि एकेएफ रेफ्री सेमिनार सातदोबाटोमा रहेकाे कराँते एकेडेमी हलमा हुनेछ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दक्षिण एसियाली कराँते च्याम्पियनसिप मंसिरको तेस्रो हप्तादेखि

साङ्केतिक तस्बिर

तपाईको प्रतिक्रिया