कछुवा गतिमा कालिगण्डकी करिडोरको काम

जेठ २७, २०७५ आइतबार ११:२:४७ | दयाराम आचार्य

नवलपरासी – निर्माणधीन कालिगण्डकी करिडोरले गति लिन सकेको छैन । नेपालकै गौरवको आयोजना मानिएको कालीगण्डकी करिडोरको नवलपरासी खण्डमा कामले गति लिन नसकेको हो ।

निर्माणधीन कालीगडकी करिडोर अन्तर्गत नवलपरासीमा १ सय ३२ किलोमिटर भाग पर्दछ । नवलपरासी पूर्वको गैंडाकोट नगरपालिकादेखि बुलिङ्गटार, डेढगाउँ हुदै पाल्पाको अर्गली–रामपुरसम्मको १ सय ३२ किलोमिटर करिडोरको सडक नवलपरासीमा पर्दछ । कालीगण्डकी करिडोरको बाटो नवलपरासीमा धेरै वर्ष अघिनै खुलीसको छ । तर सडकको स्तर उन्नति भने हुन सकेको छैन ।

गैडाकोट नगरपालिका गडाम्दीका स्थानीय मानबहादुर पुलामीले कालीगण्डकी करिडोरको काम नहुँदा वर्षामा हिलो हिउदमा धुलोले सास्ती भएको उहाँले बताउनु भएको छ । सम्बन्धित निकायसँग पटक – पटक कुरा राखेको भए पनि कुनै प्रगति हुन नसकेको स्थानीयको गुनासो छ । बजेट फ्रिज हुनु, सम्झौता गरेअनुसार काम नगर्नु, बजेट अभाव, जनशक्तिको अभावका कारण भने अनुसारको काम गर्न नसकिएको आयोजनाका प्रमुख नारायण भण्डारीले बताउनुभयो ।

नवलपरासी खण्डमा ५० प्रतिशत काम भएको छ । कतिपय स्थानमा वन क्षेत्र परेकाले बनले रुख काट्न अनुमति निदिँदा पनि लामो समय काम रोकिन पुगेको आयोजना प्रमुख भण्डारीले बताउनुभयो ।

कालिगण्डकी करिडोर निर्माण कार्यका क्रममा नवलपरासीमा ८ सय २५ वटा रुख काटिने आयोजनाले जनाएको छ । गैंडाकोट क्षेत्रमा धेरै रुखहरु काटिने छ । आयोजनाका अनुसार अहिलेसम्म साढे ६ सय रुख काटिसकिएको छ । नवलपरासी अन्तरगतको कालीगण्डकी करिडोरमा १२ वटा पक्की पुल बनाउने काम शुरु गरिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्