क्रिकेटमा पराजित भएको आक्रोशमा विजेता टोलीमाथि आक्रमण, आधा दर्जन खेलाडी घाइते

कात्तिक २६, २०७५ सोमबार १५:४६:५१ | शैलेन्द्र महतो

धनुषा – दिपावली तथा छट पर्वको अवसरमा बर्दिवासमा आयोजना गरिएको क्रिकेट खेलमा पराजित भएको आक्रोशमा विजेता टिममाथि आक्रमण भएको छ ।

आक्रमणमा परि विजेत टिमका सातजना घाइते भएका छन् । घाइते हुनेहरुमा धनुषाको बटेश्वर गाउँपालिका १ चित्रपुरका जनकल्याण युवा क्लबका खेलाडी २९ वर्षका चन्दन महतो, वर्ष २० का जयप्रकाश महतो, वर्ष २४ का राजेश महतो, वर्ष १८ का श्रवण महतो र संजिव महतो छन् ।

यस्तै आक्रमण रोक्न खोज्दा विजेता क्लब तर्फबाट खेल हेर्न गएका स्थानीय ४५ वर्षका विजय महतो गम्भीर घाइते भएका छन् । उनीहरुको लालगढको मोडेल हस्पिटलमा उपचार भइरहेको इलाका प्रहरी कार्यालय ढल्केवरले जनाएको छ ।

दिपावली तथा छठपर्वको अवसरमा बर्दिबास नगरपालिका ७ का गणेश मगरले धनुषाको मिथिला नगरपालिका ९ बेंगाडारबरको खेल मैदानमा आयोजना गरेको क्रिकेट प्रतियोगिताको आइतबार दिउँसो अन्तिम खेल भएको थियो । जसमा महोत्तरीको रातौली युवा क्लब र धनुषाको जनकल्याण युवा क्लबबीच प्रतिस्पर्धा भएको थियो । जनकल्याण युवा क्लब जित हात परेको थियो ।

स्थानीय प्रत्यक्षदर्शीका अनुसार अन्तिम खेलपछि साँझ परिसकेको र विजेता टिमले विजय जुलुस निकालेपश्चात आयोजक स्थानीय र रातौली युवा क्लबका खेलाडीहरुले एक्कासी विजेता टिममाथि आक्रमण गरेका थिए ।

पराजित भएको रतौली युवा क्लबका केही खेलाडी र आयोजक स्थानीयसहित झण्डै २० जनाभन्दा बढीले ब्याट, वियरको बोतल र हातको मुक्का र लातले विजेता टिममाथि आक्रमण गरेको घाइते भई उपचाररत राजेश महतोले बताउनुभयो ।

आक्रमण गर्नेहरुमा स्थानीय गणेश लामा, सुमन चौधरी, विशाल लामा, वीरेन्द्र साह, दिनेश महतो, अनवर मुस्लिमलगायत अन्य केही स्थानीय र पराजित रतौली युवा क्लबका खेलाडीहरु रहेको समेत घाइते राजेशले बताउनुभयो ।

यता इलाका प्रहरी कार्यालय ढल्केवरका प्रहरी निरीक्षक सरोज राईले पराजित भएको आक्रोशमा विजेता टिममाथि आक्रमण भएको र घटनापश्चात कुटपिटमा संलग्नहरु फरार रहेकाले तिनीहरुको खोजी कार्य जारी रहेको बताउनुभयो ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्रिकेटमा पराजित भएको आक्रोशमा विजेता टोलीमाथि आक्रमण, आधा दर्जन खेलाडी घाइते

प्रतिकात्मक तस्बिर

तपाईको प्रतिक्रिया