क्यामरुन बन्याे औलाेविरुद्धकाे खाेप अभियान शुरु गर्ने पहिलाे देश

माघ २२, २०८० सोमबार १५:६:५ | एजेन्सी

अफ्रिकी देश क्यामरुन औलोविरुद्धको खाेप अभियान शुरु गर्ने पहिलो देश बनेको छ । अरू केही अफ्रिकी देशमा पनि परीक्षण र केही प्रयोग शुरु भए पनि अभियानकै रूपमा खोप लगाउने क्यामरुन पहिलो देश बनेको बीबीसीले जनाएको छ ।

यसअघि क्यामरुनसहित केन्या, घाना र मलावीमा गरेको परीक्षणबाट खोप प्रभावकारी र सुरक्षित पाइएपछि विश्व स्वास्थ्य सङ्गठन (डब्ल्यूएचओ) ले खोपलाई मान्यता दिएको छ । क्यामरुनले अर्को वर्षमा समेत गरेर छ महिनामाथिका साढे दुई लाख जना बालबालिकालाई औलोविरुद्धको खोप लगाउने लक्ष्य राखेको छ । तर अफ्रिकी देशहरूका अभिभावक बालबालिकालाई खोप लगाउन सजिलै तयार नहुने कारण अभियान चुनौतीपूर्ण रहेको छ ।

क्यामरुनमा प्रत्येक वर्ष ६० लाख मानिसमा औलो पुष्टि हुन्छ र तीमध्ये चार हजार जनाको ज्यान जाने गरेको छ । मृतकमध्ये धेरैजसो पाँच वर्षमुनिका बालबालिका रहेका छन् ।

विश्वकै पुरानोमध्येको एउटा रोग औलो विश्वमा बर्सेनि झन्डै २१ करोड ९० लाख जना मानिसलाई लाग्छ । वर्षमा झन्डै छ लाख २० हजार जनाको ज्यान लिने औलोबाट प्रायः पाँच वर्षमुनिका बालबालिका बढी प्रभावित हुन्छन् । जाडो भएको अनुभव हुने, काम्ने, ज्वरो आउने र अत्यधिक मात्रामा पसिना आउनु औलोका लक्षण हुन् । उपचार हुन नसकेको अवस्थामा श्वासप्रश्वाससम्बन्धी समस्या र शरीरका अङ्ग नै काम नगर्न सक्ने अवस्था हुन्छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्यामरुन बन्याे औलाेविरुद्धकाे खाेप अभियान शुरु गर्ने पहिलाे देश

फाइल फाेटाे

तपाईको प्रतिक्रिया