तीनै तहको चुनाव बहिष्कार गरेको तिङ्लामा उपचुनाव हुने

कात्तिक २७, २०७५ मंगलबार २०:४०:२५ | सुवास दर्नाल

सोलुखुम्बु – ‘नो भोट, नो क्यान्डिडेट’ अभियान चलाएको सोलुखुम्बुको सोलुदूधकुण्ड नगरपालिका –११, तिङ्लामा उपचुनावका लागि सिफारिस गरिएको छ ।

जिल्ला निर्वाचन कार्यालय सोलुखुम्बुले देशैभरि उपचुनाव नहुँदा सोलुखुम्बुको तिङ्लामा पनि उपचुनाव हुनुपर्ने प्रतिवेदनसहित सिफारिस गरेको जनाएको छ ।

स्थानीय तह पुनर्संरचनाको बेला आफूहरुलाई पायक पर्ने सोलुदूधकुण्ड नगरपालिकामा नराखी ६ घण्टा टाढा जानुपर्ने नेचासल्यान गाउँपालिकामा राखिएको भन्दै तिङ्लाबासीले तीनै तहको चुनाव बहिष्कार गरेका थिए ।

साविक तिङ्ला गाविस हालको सोलु–दूधकुण्ड नगरपालिका–११, मा स्थानीय तहको चुनावमा उम्मेदवारी नै नपरेका कारण जनप्रतिनिधि चयन भएको छैन ।

तिङ्लाममा उपनिर्बाचन गर्न जिल्ला निर्वाचन कार्यालयले केन्द्रमा विवरण पठाएको जनाएको छ । निर्वाचन कार्यालयले गृह मन्त्रालयमा विवरण पेस गरिसकेको र सरकारले निर्णय गरेमा आफूहरु चुनाव गराउन तयार रहेको जिल्ला निर्वाचन कार्यालय सोलुखुम्बुका प्रमुख मधुकरप्रसाद पोखरेलले जानकारी दिनुभयो ।

नेपालका विभिन्न क्षेत्रमा प्रदेश र स्थानीय तहमा जनप्रतिनिधि नभएकाले उप–चुनाव गराउनु पर्ने अवस्था छ । त्यसै समयमा सोलुखुम्बुको तिङ्लामा पनि उप–चुनाव हुने प्रमुख पोखरेलले बताउनुभयो ।

तिङलासहित देशभरमा ३२ जना जनप्रतिनिधिको पद रिक्त रहेको छ । निर्वाचन आयोगका अनुसार प्रदेशसभा सदस्यसहित १८ जनाको मृत्यु तथा केहीको राजीनामा, प्रदेशसभा र जिल्ला समन्वय समितिमा निर्वाचित र फौजदारी अभियोगमा कारागार चलान भएकाले ती पद रिक्त भएका हुन् ।

रिक्त पदमा नेपालको संविधानले व्यवस्था गरेअनुसार उप–चुनाव हुने आयोगले जनाएको छ । ९९५ घरधुरीका करिब ५ हजार जनसंख्या रहेको तिङलामा स्थानीय चुनावमा २६७६ मतदाता थिए, जुन अहिले ३२ सय पुगेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्