नेपाली युवा खेलाडीहरुलाई जोन्टी रोड्सले प्रशिक्षण दिन सुरु गरे

कात्तिक २८, २०७५ बुधबार १९:१६:२ | उज्यालो सहकर्मी

काठमाडाैं - दक्षिण अफ्रिकाका पूर्व क्रिकेटर जोन्टी रोड्सले नेपाली युवा खेलाडीहरुलाई प्रशिक्षण दिन शुरु गरेका छन् ।

त्रिवि क्रिकेट मैदान कीर्तिपुरमा बुधबारदेखि शुरु भएको ‘हाइ पर्फर्मेन्स क्याम्प’ दश दिनसम्म चल्नेछ ।

काठमाडौं उपत्यकासहित बुटवल, धनगढी, विरगञ्ज र विराटनगरलगायतका ठाउँबाट युवा खेलाडी प्रशिक्षणका लागि आएको आयोजक स्पोर्टस इडीले जनाएको छ ।

उनले खेलाडीलाई क्रिकेटको फिटनेस टेष्ट र ट्रेनिङ गराउनुका साथै लिडरसिप स्किल, स्पोर्टस् मेडिसिन लगायतका विभिन्न पाटाहरुको प्रशिक्षण दिनेछन् ।

क्याम्पमा युवा खेलाडीका साथैै सिनियर खेलाडीको पनि सहभागिता छ । ५० वर्षीय रोड्सले दक्षिण अफ्रिकाको राष्ट्रिय टिमबाट ५२ टेष्ट र २४५ एक दिवसीय खेल खेलेका छन् । जसमध्ये टेष्टमा दुई हजार ५३२ र एक दिवसीयमा ५ हजार ९ सय ५३ रन बनाएका छन् ।

रोड्स २५ नोभेम्बरमा स्वदेश फर्कने जनाइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्