कर्णाली पुलको अध्ययन र मर्मत सम्भारको लागि जनशक्ति अभाव

चैत १, २०८० बिहीबार ९:३७:२ | उज्यालो सहकर्मी

काठमाण्डौ – पूर्व पश्चिम राजमार्ग अन्तर्गत कर्णाली चिसापानी पुलको अध्ययन र मर्मत सम्भारको लागि नेपालमा जनशक्तिको अभाव रहेको छ । पुल जापान सरकारले बनाइदिएको र अमेरिकाको इञ्जिनियरिङ प्रयोग भएकाले नेपालमा यसको अध्ययन र मर्मत सम्भारका लागि विज्ञ र कामदारको समेत अभाव रहेको सडक विभागका उपमहानिर्देशक तथा पुल महाशाखाका प्रमुख ललिजन खनालले उज्यालोलाई जानकारी दिनुभयो । २०५० सालमा पुल निर्माण गर्दा प्राविधिक जनशक्ति र मर्मत सम्भारकोबारेमा जापानसँग कुनै सम्झौता नभएकाले अहिले समस्या भएको उहाँको भनाइ छ ।

यसैबीच, सडक विभागको प्राविधिक टोलीले आगलागीबाट क्षति भएको कर्णाली चिसापानी पुलको स्थलगत अवलोकन र अध्ययन सकेको छ । टोलीले हिजो बेलुका अवलोकन र प्रारम्भिक अध्ययन सकेको र आज प्रतिवेदन बनाएर बेलुकासम्म विभागलाई बुझाउने उपमहानिर्देशक तथा पुल महाशाखाका प्रमुख ललिजन खनालले उज्यालोलाई जानकारी दिनुभयो ।

टोलीले पिलर र पुललाई जोड्ने तार, गाडी गुड्ने सतह र पुललाई टेवा दिएका संरचनाको अध्ययन गरेको छ । प्रारम्भिक अध्ययनमा तारलाई सुरक्षित राख्न प्रयोग भएका रबर मात्रै जलेको र तार सुरक्षित रहेको देखिए पनि विस्तृत जानकारी भने प्रतिवेदनपछि मात्रै पाइने खनालको भनाई छ । उहाँले अझै एक,दुई दिन कर्णाली चिसापानी पुलबाट गाडी नचल्ने पनि जानकारी दिनुभयो ।

यसको विकल्पमा कोठियाघाट र सतिघाटको पुल प्रयोग गरेर गाडी चलिरहेका छन् । प्रतिवेदनको अध्ययन र विज्ञ लगायतसँग छलफल र सल्लाह गरी पुलको अवस्था, पुलको क्षतिको विवरण, मर्मत सम्भार गर्नुपर्ने वा थप के गर्ने भन्नेबारे निर्क्यौल हुने खनालले बताउनुभयो । गएकाे साेमवार ट्रकमा एक्कासी आगलागी हुँदा कर्णाली पुलका १४ वटा डोरीमा आंशिक क्षति पुगेको थियो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कर्णाली पुलको अध्ययन र मर्मत सम्भारको लागि जनशक्ति अभाव

फाइल फाेटाे

तपाईको प्रतिक्रिया