ओलम्पिकको साइबर सुरक्षाको नेतृत्व लिएका मन्त्रीलाई कम्प्यूटर चलाउनै आउँदैन

कात्तिक ३०, २०७५ शुक्रबार ७:३:१९ | उज्यालो सहकर्मी

टोकियो ओलम्पिकको साइबर सुरक्षाको नेतृत्व लिएका मन्त्रीले नै अहिलेसम्म कम्प्युटर नचलाएको बयान दिएका छन् ।

गएको महिना मात्रै यो पोस्टमा नियुक्त भएका मन्त्री योसिताका साकुर्दाले यस्तो बताए पछि जापानमा यसको चर्को आलोचना भएको छ । जापानी समाचार संस्था क्यूदोका अनुसार उनले अहिलेसम्म कम्प्युटर चलाएका छैनन् ।

तर उनको कार्य क्षेत्र भनेको सन् २०२० मा हुने ओलम्पिक खेलमा साईबर अपराध नियन्त्रण गर्नु हो । जापानको विपक्षी दलका नेता मासातो इमामीले आश्चर्य व्यक्त गर्दै भने ‘ म निकै आश्चर्यमा परेँ, यो विश्वास नै गर्न नसक्ने कुरा हो, जो व्यक्ति साइबर अपराधको बारेमा काम गर्दैछ उसले अहिलेसम्म कम्प्यूटर नै चलाएको छैन ।’

तर मन्त्री साकुर्दाले कम्प्यूटर नचलाए पनि काम गर्न अप्ठेरो नहुने बताए । सामाजिक सञ्जालमा मन्त्रीलाई व्यंग गर्दै उनलाई ह्याक गर्न अप्ठेरो पर्ने उल्लेख गरिएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्