अबको एक हप्ता अधिकतम तापक्रम घट्ने र केही ठाउँमा पानी पर्ने स...
बैशाख २१, २०८१ शुक्रबार
काठमाण्डाै – परराष्ट्र मन्त्रालयअन्तर्गतको कन्सुलर सेवा विभागले विदेशमा रहेका नेपाली नागरिकको गुनासो तथा समस्यालाई सम्बन्धित दूतावासमार्फत दर्ता गराउन सक्ने गरी नयाँ मोड्युल (अनलाइन प्रणाली) को शुभारम्भ गरेको छ ।
उपप्रधान एवम् परराष्ट्रमन्त्री नारायणकाजी श्रेष्ठले आज नयाँ मोड्युलको शुभारम्भ गर्नुभयो । परराष्ट्रमन्त्री श्रेष्ठले कन्सुलर सेवा अनलाइनबाटै लिनसक्ने भए पनि प्रचारप्रसार गर्न नसक्दा सेवाग्राही विभागमा धाइरहने समस्या रहेको बताउनुभयो । उहाँले अबको एक हप्ताभित्रै मन्त्रालयले विदेशमा रहेका नेपाली श्रमिक घाइते भएको वा ज्यान गुमाएको अवस्थामा उनीहरूको क्षतिपूर्तिसहितको माग दाबीका लागि बसेको ठाउँबाटै निवेदन दिन सक्ने गरी व्यवस्था गर्न लागेको जानकारी पनि दिनुभयो ।
आज शुभारम्भ भएको मोड्युलको सहयोगले संसारको जुनसुकै ठाउँमा समस्यामा परेका नेपाली नागरिकले आफ्नो राहदानी नम्बर र जन्ममिति प्रयोग गरी आफ्नो नजिकको नेपाली राजदूतावास वा नियोगको वेबसाइटमार्फत आफ्ना समस्याका बारेमा जानकारी गराउन सक्ने परराष्ट्र मन्त्रालयले जनाएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।