बेलजियमविरुद्ध स्वीट्जरल्याण्डकाे ५ गाेल, पुग्याे सेमिफाइनलमा

मंसिर ३, २०७५ सोमबार ८:११:११ | उज्यालो सहकर्मी

बेल्जियमलाई स्तब्ध पार्दै स्वीट्जरल्याण्ड यूईएफए नेसन्स लिगको सेमिफाइनलमा पुगेको छ । हरिस सेफेरोभिचले ह्याट्रिक गरेपछि बेल्जियमको सेमिफाइनल पुग्ने अभियानमा पूर्ण विराम लाग्यो ।

लिग ए अन्तर्गत समूह बीको अन्तिम खेलमा बेल्जियम सहज अवस्थामा थियो । सेमिफाइनल पुग्नका लागि उसलाई बराबरी पर्याप्त थियो भने स्वीट्जरल्याण्डलाई जित्नै पर्ने दबाब थियो । त्यससँगै बेल्जियमले सुरुआतमा नै दुई गोलको अग्रता पनि लिएको थियो ।

तर घरेलु मैदानमा स्वीट्जरल्याण्डले पाहुना टोलीलाई निरीह बनायो ।

थोर्गन हाजार्डले दोस्रो र १७औं मिनेटमा गोल गर्दै बेल्जियमलाई २–० को अग्रता दिलाएका थिए ।

२६औं मिनेटमा घरेलु टिमले पेनाल्टी पायो । पेनाल्टीलाई रिकार्डो रोद्रिगेजले गोलमा परिणत गर्दै स्वीट्जरल्याण्डलाई खेलमा फर्काए । ३१ औं मिनेटमा जेर्दन शाकिरीको पासमा सेफेरोभिचले गोल गरेपछि स्वीट्जरल्याण्ड खेल बराबरीमा पुर्‍याउन सफल भयो ।

४४औं मिनेटमा सेफेरोभिचले ब्यक्तिगत दोस्रो गोल गरेपछि पहिलो हाफमा स्वीट्जरल्याण्डले अग्रता लियो । ६२औं मिनेटमा निको अल्भेदीले गोल गर्दै स्वीट्जरल्याण्डको अग्रता ४–२ मा लम्ब्याए ।

पहिलो लेगमा बेल्जियमसँग पराजित भएको स्वीट्जरल्याण्ड यतिमा रोकिएन । ८४औं मिनेटमा सेफेरोभिचले ह्याट्रिक पूरा गर्दै स्वीट्जरल्याण्डलाई ५–२ को जित दिलाए ।

स्वीट्जरल्याण्ड सेमिफाइनलमा पुग्दा यस समूहबाट आइसल्याण्ड भने रेलिगेसनमा परेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्