आईसीसी महिला टी–२० विश्वकप : वेष्ट इण्डिजले इंग्ल्याण्डलाई चार विकेटले हरायाे

मंसिर ३, २०७५ सोमबार ११:५५:१२ | उज्यालो सहकर्मी

आईसीसी महिला टी–२० विश्वकप अन्तर्गत अाइतबार राति भएको खेलमा जित हात पार्दै वेष्ट इण्डिज समूह एको विजेता बनेको छ । वेष्ट इण्डिजले इंग्ल्याण्डलाई चार विकेटले पराजित गर्‍याे ।

यो खेलसँगै प्रतियोगिताको सेमिफाइनल समिकरण पूरा भएको छ । समूह एको विजेता वेष्ट इण्डिजले समूह बीको उपविजेता अष्ट्रेलियासँग खेल्नेछ । अर्को सेमिफाइनलमा समूह एको उपविजेता इंग्ल्याण्डले समूह बीको विजेता भारतसँग प्रतिस्पर्धा गर्नेछ ।

समूह चरणको अन्तिम खेलमा इंग्ल्याण्डले दिएको ११६ रनको लक्ष्य इण्डिजले १९ ओभर ३ बलमा सात विकेट गुमाउँदै पूरा गर्‍याे । वेष्ट इण्डिजको ग्रस आइस्लेट मैदानमा टस हारेर ब्याटिङको निम्तो पाएको इंग्ल्याण्डले २० ओभरमा आठ विकेट गुमाउँदै ११५ रन बनाएको थियो ।

खराब सुरुआत गरेको इंग्ल्याण्डका लागि सोफिया डंकले र अन्या श्रुवसोलले सातौं विकेटका लागि ५८ रनको साझेदारी गरेका थिए । ब्यक्तिगत तर्फ डंकलेले ३५ रन बनाइन भने श्रुवसोलले २९ रन जोडिन् । त्यस्तै ट्यामी बेमउन्टले २३ रन जोडिन् ।

बलिङतर्फ शाकिरा सिल्म्यान र डिन्ड्रा डोटिनले २–२ विकेट लिए ।

११६ रनको लक्ष्य भेटाउनका लागि इण्डिजका डोटिन र सिमाइन क्याम्पबेल्लेले उत्कृष्ट ब्याटिङ गरे । अलराउण्ड प्रदर्शन गरेकी डोटिनले चार छक्काको सहयोगमा ४६ रन बनाएकी थिइन् भने क्याम्पबेल्लेले ४२ बलमा चार चौका र एक छक्का प्रहार गर्दै ४५ रन बनाइन् ।

बलिङतर्फ श्रुवसोलले तीन विकेट लिइन् ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्