शहीद स्मारक ए डिभिजन लिगमा संकटाको दाेस्रो जित

मंसिर ३, २०७५ सोमबार १५:५२:४६ | उज्यालो सहकर्मी

काठमाडौं – शहीद स्मारक ए डिभिजन लिगमा संकटा क्लबले लगातार दोस्रो जित हात पारेको छ ।

सोमबार भएको खेलमा संकटाले जाउलाखेल युथ क्लबलाइ २–० ले पराजित गरेको हो । दुवै गोल सेड्रिक अवालेले गरेका हुन् । जितपछि संकटा लिगको तेस्रो स्थानमा उक्लिएको छ ।

सातदोबाटोस्थित एन्फा मैदानमा भएको खेलमा दुवै टिमले पहिलो हाफ गोलरहित बराबरी खेलेका थिए । तर खेलको १८ औं मिनेटमा संकटा १० खेलाडीमा झरेको थियो ।

म्याक्सवेल इलियनले अदामा डम्बियालाई फल गरेका कारण रेफ्री कविन ब्यञ्जनकारले रातो कार्ड देखाएका थिए । त्यसअघि उनले एउटा पहेँलो कार्ड पाइसकेका थिए ।

१० खेलाडीमा झरे पनि संकटाले आफ्ना पकड जाउलाखेलमाथि कायमै राख्यो । फलस्वरूप उसले ५७ औं मिनेटमा खेलमा अग्रता बनायो । उसका लागि सेड्रिक अवाले गोल गर्न सफल भए ।

त्यसपछि ८५ औं मिनेटमा पुनः सेड्रिकले उत्कृष्ट फ्रिकिक मार्फत संकटाको अन्तर दुई शुन्यमा पुर्याए । बाँकी समयमा जाउलाखेल खेलमा फर्कन सकेन र लगातार दोस्रो हार ब्यहोर्याे । संकटाले भने दुई खेलबाट ६ अंक जोड्न सफल भएको छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्