ए डिभिजन लिगमा हिमालयन शेर्पाको पहिलो जित

मंसिर ३, २०७५ सोमबार १६:५७:५५ | उज्यालो सहकर्मी

काठमाडौं – शहीद स्मारक ए डिभिजन लिगमा हिमालयन शेर्पाले पहिलो जित निकालेको छ । आज भएको खेलमा शेर्पाले सरस्वती युथ क्लबलाई एक–शून्यले हरायो ।

हलचोकमा रहेको सशस्त्र प्रहरीको मैदानमा भएको खेलमा हिमालयन शेर्पाको जितमा विश्वास श्रेष्ठको एकमात्र गोल निर्णायक बन्यो । खेलमा सुरुवातदेखि नै आक्रामक खेल खेलेका हिमालयनका विश्वास श्रेष्ठले १४ औँ मिनेटमा गरेको प्रहार पोष्ट नजिकैबाट बाहिरियो ।

तर ३० औँ मिनेटमा हिमालयन शेर्पाले खेलमा अग्रता बनायो । उसका लागि विश्वास श्रेष्ठले गोल गरे । ३४ औँ मिनेटमा हिमालयन शेर्पाको अर्को प्रहारलार्ई सरस्वतीका गोलकीपरले बचाए ।

पहिलो हाफमा एक गोलको अग्रता बनाएको हिमालयनले दोस्रो हाफमा त्यस्तो डरलाग्दो मुभ बनाउन सकेन । यता सरस्वतीले पनि उल्लेख्य आक्रमण गर्न सकेन । जितपछि हिमालयन शेर्पाले दुई खेलमा चार अंक बनाएको छ भने सरस्वती जीतविहीन छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्