दक्षिण अमेरिकी मैत्रीपूर्ण खेलमा चिलि र कोस्टारिका विजयी

मंसिर ५, २०७५ बुधबार ९:२१:४४ | उज्यालो सहकर्मी

दक्षिण अमेरिकी मैत्रीपूर्ण खेलमा चिलि र कोस्टारिका विजयी भएका छन् ।

बुधबार बिहान भएको खेलमा चिलिले होन्डुरसलाई ४–१ ले हरायो भने कोस्टारिकाले पेरुमाथि ३–२ को जित दर्ता गर्‍याे । चिलिको टेमुकोमा भएको खेलमा घरेलु टिमलाई जित दिलाउनका लागि अर्टुरो भिडल नायक बने । भिडलले पहिलो हाफमा नै दुई गोल गरेका थिए ।

आठौं मिनेटमा जिन बेसेनोरले गरेको प्रहार होन्डुरसका गोलकिपरले रोकेका थिए । तर पूरा क्लीयर नभएको बललाई भिडलले गोलमा परिणत गरे । ३५औं मिनेटा चिलिले पेनाल्टी पायो । पेनाल्टीलाई पनि भिडलले नै गोलमा परिणत गर्दै चिलिलाई २–० को अग्रता दिलाए । ४०औं मिनेटमा होन्डुरसले गोल फर्कायो ।

अलेक्सान्दर लोपेजले गोल गर्दै चिलिको अग्रता २–१ मा छोट्याए पछि पहिलो हाफ सकियो । ६१औं मिनेटमा होन्डुरसका खेलाडीले डि–बक्सभित्र ह्याण्ड गरेपछि चिलिले पेनाल्टी पायो । सो पेनाल्टीलाई एलेक्सिस सान्चेजले प्रहार गरेका थिए । तर गोलकिपरले रोकेका थिए ।

त्यही रिबाउण्ड बललाई सान्चेजले नै गोल गर्दै चिलिलाई ३–१ को अग्रता दिलाए । ८४औं मिनेटमा होन्डुरसले अर्को ह्याण्ड गर्दा चिलिले फेरि पेनाल्टी पायो । पेनाल्टीलाई निकोलस कास्टिलोले गोल गर्दै चिलिलाई ४–१ को जित दिलाए ।

अर्को खेलमा पेरु आफ्नै मैदानमा कोस्टारिकासँग पराजित भयो । पेरुले सुरुआतमा नै लिएको अग्रता जोगाउन सकेन । २०औं मिनेटमा इडिसन फ्लोरेसले गोल गर्दै पेरुलाई अग्रता दिलाएका थिए । तर ४१औं मिनेटमा जोनाथन म्याकडोनाल्डले कोस्टारिकाका लागि गोल गरेपछि पहिलो हाफ १–१ गोलको बराबरीमा सकियो ।

दोस्रो हाफको नवौं मिनेटमा एलन क्रुजले गोल गर्दै कोस्टारिकालाइ अग्रता दिलाए । ७३औं मिनेटमा जेफर्सन फार्फानको गोलबाट पेरु फेरी खेलमा फर्कियो ।

७७औं मिनेटमा जोइल क्याम्पबेलले पेनाल्टीमार्फत गोल गर्दै कोस्टारिकालाई ३–२ को अग्रता दिलाए । उनको त्यही गोल कोस्टारिकाको जितमा निर्णायक बन्यो ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्