चेल्सीका पूर्व स्ट्राइकर डिडियर ड्रोग्बाले लिए सन्यास

मंसिर ६, २०७५ बिहीबार ७:३३:५१ | उज्यालो सहकर्मी

चेल्सीका पूर्व स्ट्राइकर डिडियर ड्रोग्बाले सन्यास लिएका छन् । क्लब फुटबल करियरमा सबैभन्दा बढी इंग्लिस क्लब चेल्सीमा बिताएका ड्रोग्बाले २० वर्षे खेलाडी करियर अन्त्य गर्ने घोषणा गरेका हुन् ।

पछिल्लो डेढ वर्ष अमेरिकाको फिनिक्स राइजिङ बिताएका आइभरी कोस्टका खेलाडी ड्रोग्बाले अब युवा पिढीलाई राम्रो बनाउन योगदान दिने प्रतिक्रिया दिए । ‘२० वर्षपछि खेलाडी करियर अन्त्य गर्ने निर्णय गरेको छु । अब युवा प्रतिभाका विकासमा सहयोग गर्नेछु,’ ड्रोग्बाले भने ।

यो महिनाको सुरुमा ड्रोग्बा पार्टनर समेत रहेका फिनिक्स राइजिङले युनाइटेड सकर लिगको फाइनलपछि सन्यास लिने अपेक्षा गरिएको थियो । जुन खेलमा उनको टिम लसभिलेसँग पराजित भएको थियो । ‘यो खेलबाट मैले सिकेका कुराहरु नयाँ पुस्तालाई हस्तान्तरण गर्न चाहन्छु,’ ड्रोग्बाले भने ।

२३ वर्षको उमेरसम्म कुनै पनि देशको शीर्ष डिभिजन लिग नखेलेका ड्रोग्बा सन् २००३ मा फ्रेन्च क्लब मार्सेमा आबद्ध भएका थिए । त्यसपछि उनी २४ मिलियन पाउण्डमा चेल्सीमा आबद्ध भएका थिए, जहाँ उनको करियरकै सबैभन्दा सम्झन लायक प्रदर्शन रह्यो । चेल्सीमा ड्रोग्बाले आठ वर्ष बिताए । त्यसक्रममा चार वटा प्रिमियर लिग, चार वटा एफए कप, तीन वटा लिग कप र एउटा च्याम्पियन्स लिग समेत जिते ।

चेल्सीलाई इतिहासकै पहिलो च्याम्पियन्स लिग जिताउनका लागि ड्रोग्बाको भुमिका महत्वपूर्ण थियो । सन् २०११–१२ को फाइनलमा ड्राग्बाले बायर्न म्युनिकविरुद्ध हानेको पेनाल्टीका कारण चेल्सी विजयी भएको थियो ।

आइभरी कोस्टका महान खेलाडीसमेत रहेका ड्रोग्बाले देशका लागि १०५ खेलमा ६५ गोल गरेका छन् । उनले आफ्नो देशलाई तीन पटक विश्वकपमा पुर्‍याउन सफल भए । उनी दुई पटक अफ्रिकन फुटबलर अफ द एयरको उपाधिबाट समेत सम्मानित भए ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्