आईसीसी महिला टी–२० विश्वकप : इंग्ल्याण्डले भारतलाई ८ विकेटले हरायो

मंसिर ७, २०७५ शुक्रबार ११:४२:३७ | उज्यालो सहकर्मी

आईसीसी महिला टी–२० विश्वकपको उपाधिका लागि इंग्ल्याण्ड र अष्ट्रेलिया खेल्ने भएका छन् । शुक्रबार भएको सेमिफाइनलमा इंग्ल्याण्डले भारतलाई ८ विकेटले हरायो भने अष्ट्रेलियाले वेष्ट इन्डिजलाई ७१ रनले पाखा लगायो ।

टस जितेर पहिले ब्याटिङ गरेको भारत १९ ओभर तीन बलमा एक सय १२ रनमा अलआउट भयो । उसका तीन खेलाडीले मात्र दोहोरो अंक छुन सके । राम्रो सुरुवात गरेको भारतले पहिलो विकेटका लागि ४३ रनको साझेदारी गरेको थियो ।

तर त्यसपछि उसले एक सय रन पार गर्दा अरु सात विकेट गुमायो । भारतका लागि तानीया भाटियाले ११ रन बनाइन् भने स्मृति मन्दानाले ३४ रनको योगदान गरिन् । यस्तै जेमिमा रोद्रिगुइजले २६ रन बनाउदा हरप्रित कौरले १६ रन जोडिन् । तर त्यसपछिका खेलाडी एकपछि अर्को रुपमा पेभेलियन फर्किए ।

जसका कारण उपाधिको बलियो दावेदार भारत सस्तैमा खुम्चिन पुग्यो । बलिङतर्फ इंग्ल्याण्डका लागि हिथर नाइटले तीन तथा क्रिस्टि गोरडोन र सोफिले दुई दुई विकेट लिए ।

जवाफमा खराब सुरुवात गरेपनि इंग्ल्याण्डले १७ ओभर एक बलमा दुई विकेट गुमाउदै लक्ष्य पूरा गर्‍याे। चार रनमा पहिलो विकेट गुमाएको इंग्ल्याण्डले २४ रनमा दोस्रो विकेट खेर फाल्यो । तर त्यसपछि एमी जोन्स र नाटालीया सिभेर दुबैले अर्धशतक बनाउँदा इंग्ल्याण्डले सहज जित हात पर्‍याे । एमीले ५३ तथा नाटालीयाले ५२ रन बनाइन् ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्