ए डिभिजन लिग: हिमालयन शेर्पाकाे अपराजित यात्रा कायमै, जाउलाखेल दुई एकले पराजित

मंसिर ८, २०७५ शनिबार १७:१४:४ | उज्यालो सहकर्मी

काठमाडाैं - शहीद स्मारक ए डिभिजन लिगमा हिमालयन शेर्पाले शनिबार जाउलाखेल युथ क्लबलाई दुई एकले हराउँदै आफ्नो जितको यात्रालाई निरन्तरता दिएको छ ।

हलचोकमा भएको खेलमा हिमालयन शेर्पाले खेलको सुरुवात देखि नै जाउलाखेल माथि दबाब बनाएको भए पनि पहिलो हाफमा गोल गर्न सकेन । यता जाउलाखेलले सुरुवातमा पाएका दुई मौका चुकाउन पुग्यो ।

खेलको ६६ औं मिनेटमा कर्ण लिम्बूले गोल गर्दै हिमालयन शेर्पालाई अग्रता दिलाए । विश्वास श्रेष्ठको प्रहार डिफ्लेक्ट भएर आएको बेललाई कर्णले गोलमा परिणत गरे । त्यसपछि ७५ औं मिनेटमा फेरि कर्ण लिम्बुले नै गोल गर्दै अन्तर दुई शून्यमा पुर्याए ।

७८ औं मिनेटमा शेर्पाले फेरि अर्को मौका पाए पनि सदुपयोग गर्न सकेन । खेलमा दुई शून्यले पछि परेको जाउलाखेलले ८६ औं मिनेटमा एक गोल फर्कायो ।

शेर्पाका गोलकिपर र डिफेन्डरको तालमेल नमिल्दा जाउलाखेलका अनिश गुरुङले गोल गरे । खेलको अन्तिममा पनि जाउलाखेलले गोल उत्कृष्ट मौका खेर फाल्दा हार ब्यहोर्यो ।

जितसँगै हिमालयन शेर्पा तीन खेलबाट सात अंकका साथ लिगको तेस्राे स्थानमा उक्लिएको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्