इनरुवामा हुने भयो एकदिवसीय क्रिकेट प्रतियोगिता, विजेतालाई ४ लाख पुरस्कार

मंसिर १०, २०७५ सोमबार १६:३६:१९ | उज्यालो सहकर्मी

काठमाडौं – नेपालले अन्तर्राष्ट्रिय एकदिवसीय मान्यता पाए पनि घरेलु प्रतियोगितामा ५० ओभरका खेलहरूको कमी भइरहेका बेला इनरूवामा पहिलो पटक एकदिवसीय क्रिकेट प्रतियोगिता हुने भएको छ ।

शान्ति दीप नेपाल इनरुवा र इनरुवा नगरपालिकाको संयुक्त आयोजनामा इनरुवा रंगशालामा हुने प्रतियोगिता पुस २१ गतेबाट माघ ७ गतेसम्म इनरुवामा हुने छ । जसमा १२ टोलीले प्रतिस्पर्धा गर्ने छन् । प्रतियोगितामा तीन विभागीय, सात प्रदेश, एक स्थानीय र एक पाहुना टिमको सहभागिता रहनेछ ।

प्रतियोगिताको उपाधि विजेताले ४ लाख १ हजार र उपविजेताले २ लाख १ हजार तथा सेमिफाइनलमा पुग्ने टोलीले २५–२५ हजार रूपैयाँ पाउनेछन् ।

प्रतियोगिताको उत्कृष्ट खेलाडीले ५१ हजार र विधागत रूपमा उत्कृट हुने बलर र ब्याट्सम्यानले २० हजार १ सय रूपैयाँ हात पार्नेछन । यस्तै फेयर प्ले टिमले १५ हजार हात पार्नेछ ।

राष्ट्रिय खेलकुद परिषदका सदस्यसचिव केशवकुमार विष्टले काठमाडौंबाहिर ठूलो प्रतियोगिता हुन लागेको कारण राखेपले भौतिक र आर्थिक सहयोग गर्ने बताए । साथै उनले आर्थिक रूपमा ठूलो सहयोग गर्न लागेको बताए ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्