ए डिभिजन लिग: जाउलाखेल र फ्रेन्ड्सले बराबरी खेल्दै एक-एक अंक बाँडे

मंसिर १२, २०७५ बुधबार १७:२६:३७ | उज्यालो सहकर्मी

काठमाडाैं - शहीद स्मारक ए डिभिजन लिगमा जाउलाखेल र फ्रेन्ड्स क्लबबिचको खेल तीन-तीन गोलको बराबरीमा सकिएको छ ।

बराबरीपछि दुवै क्लबले अंक तालिकामा खाता खोलेका छन् ।

सातदोबाटोमा रहेकाे एन्फा मैदानमा भएको खेलमा फ्रेन्डसले सुरुमा एक गोल गर्याे । २६ औं मिनेटमा फ्रेन्ड्सका लागि विकाश लामाले गोल गरे । तर पहिलो हाफको इन्जुरी समयमा जाउलाखेलले बराबरी गोल गर्न सफल भयो । उसकालागि अर्जु सिंहले गोल गरे ।

पहिलो हाफ एक एक गोलको बराबरी भएको खेलको दोस्रो हाफमा जाउलाखेलले अरु दुई गोल गर्यो । ४७ औंं मिनेटमा विदेशी खेलाडी फोडे फाफानाले गोल गर्दै जाउलाखेललाई दुई एकको अवस्थामा पुर्‍याए । त्यसपछि ५२ औंं मिनेटमा सुमन डंगोलले गोल गरेपछि जाउलाखेलले तीन एकले अगाडि बढ्याे ।

तर ६८ औं मिनेटमा फोफानाले व्यक्तिगत दोस्रो गोल गर्दा फ्रेन्ड्सले अन्तर तीन-दुईमा झार्यो । तर ८२ औंं मिनेटमा फेरि जाउलाखेलले अर्को गोल गर्यो । उसका लागि धिरज श्रेष्ठले गोल गर्दा खेल तीन तीनको अवस्थामा पुग्यो ।

लगातार तीन खेलमा हार ब्यहोरेका जाउलाखेल र फ्रेन्ड्सले चौथो खेलमा आएर अंक तालिकामा खाता खोलेका छन् । दुवैको चार खेलबाट समान एक-एक अंक भएको छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्