क्षतिग्रस्त बीपी राजमार्ग पुनःनिर्माणका लागि जाइकाको टोलीद्वारा निरीक्षण

कात्तिक २४, २०८१ शनिबार ९:२:३४ | रासस

काभ्रेपलाञ्चोक – गएको असोज दोस्रो हप्ताको बाढी पहिराबाट क्षतिग्रस्त बीपी राजमार्ग पुनःनिर्माणका लागि जापान अन्तर्राष्ट्रिय सहयोग नियोग (जाइका) को प्राविधिक टोलीले स्थलगत अवलोकन शुरू गरेको छ ।

दुई पटक अवलोकन–निरीक्षण गरेको जाइकाको टोलीले आउँदो डिसेम्बरको पहिलो हप्तासम्म प्रतिवेदनसहित निर्णय दिने बताएको डिभिजन सडक कार्यालय भक्तपुरका प्रमुख सिनियर डिभिजनल इन्जिनियर सुमन योगेशले बताउनुभयो । बीपी राजमार्गको पुनः निर्माणको लागि सरकार जाइकाको निर्णयको पर्खाइमा रहेको छ ।

प्रधानमन्त्री केपी शर्मा ओलीले गएको असोज ३० गते नेपालका लागि जापानका राजदूत किकुता युताकासँग भेट गरी बीपी राजमार्ग पुनःनिर्माणबारे छलफल गर्नुभएको थियो । जाइकाले पुनःनिर्माण नगर्ने निर्णय गरेमा आफूले तत्कालै शुरू गर्ने कार्यालय प्रमुख सुमन योगेशले बताउनुभयो ।

बीपी राजमार्गअन्तर्गत बाढीले बगाएको सडक पुनःनिर्माण गर्न सात अर्ब रुपैयाँ लाग्ने प्रारम्भिक अनुमान छ । काभ्रेको चौकीडाँडादेखि सिन्धुलीको वर्षेखोलासम्मको सडक खण्डको धेरैजसो सडक क्षतिग्रस्त छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्