सधैँ बीउको चिन्ता : किसान भन्छन् ‘ढुक्कका दिन जिन्दगीमा कहिल्यै आएनन्’

मंसिर १, २०८१ शनिबार १२:३१:२१ | रासस

महोत्तरी – देशका धेरैजसो ठाउँमा अहिले धान भित्र्याउने चटारो छ । धान भित्र्याएका किसान गहुँ छर्ने तयारीमा छन् । तर नयाँ बाली लगाउने बेला भयो कि किसानलाई बीउको चिन्ता हुन्छ ।

मौसमअनुसार गहुँ छर्ने तयारी गर्ने बेला भयो तर बीउ कसरी जोहो गर्ने भन्ने चिन्ता भइरहेको महोत्तरीको बर्दिबास–९ पशुपतिनगरका महेन्द्र महतोको गुनासो छ । उहाँ भन्नुहुन्छ,‘ बेलामा बीउ पाइने ढुक्कका दिन जिन्दगीमा कहिल्यै आएनन् ।’ बेलैमा गहुँ छर्न पाइँदा मङ्सिर २२ भित्र सक्नुपर्ने हुँदा अहिलेदेखि नै बीउको चिन्ता परेको उहाँ बताउनुहुन्छ ।

अन्नबालीमा धान होस् कि मकै या गहुँ, तरकारीमा आलुलगायतका बालीको बीउ भरपर्दो मानेर लगाउन पाउने अवस्था नरहेको अर्का किसान भोला महतोको गुनासो छ । पालिकामा कृषिका शाखा छन् तर बाली लगाउने उपयुक्त बेलामा नियमित रूपमा बीउ पाइने अवस्था नभएको किसानले बताउँदै आएका छन् ।

भरपर्दो बीउ उचित मूल्य तिरेर आवश्यक मात्रामा पाउने सुनिश्चितता भए ढुक्क हुन सकिन्थ्यो महोत्तरीकै गौशालाका किसान अरुण कुशवाहा बताउनुहुन्छ ।

आफ्नो ठाउँ र नजिकैको बजारमा बीउ नपाउँदा महोत्तरीका किसान भारतीय बजारमा निर्भर छन् । तर भारतीय बजारबाट ल्याइएको बीउमा कैयौँ पटक ठगिएको र क्षति भोग्नुपरको धेरैजसो किसानको अनुभव छ ।त्यहीँ पनि भारतीय बजार नै जानपर्ने बाध्यता रहेको बलवा–१० रौजाबजारका मंसुल कवारी बताउनुहुन्छ ।

तीन तहका सरकार भए पनि कृषि र किसान प्राथमिकतामा नपर्दा सधै सास्ती भोग्नुपरेको कृषिक्षेत्रको सरकारी सेवामा सह–सचिवबाट अवकाश लिएका भङ्गाहा–५ सीतापुरका रामबहादुर भुजेल बताउनुहुन्छ ।

किसानले राहत पाउन वा कुनै सल्लाह लिन पनि कृषि प्राविधिक नभेटाउने गरेको गुनासो छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्