भेरी–बबई डाइभर्सनको भौतिक प्रगति झन्डै ६६ प्रतिशत

पुष १२, २०८१ शुक्रबार १६:७:११ | उज्यालो सहकर्मी

काठमाण्डाै – बहुउद्देश्यीय भेरी–बबई डाइभर्सनको भौतिक प्रगति झन्डै ६६ प्रतिशत भएको छ । अबको दुई वर्षभित्र भेरी नदीको पानी बबई नदीमा झारेर सिँचाइ र बिजुली उत्पादन शुरू हुनेगरी काम भइरहेको आयोजनाले जनाएको छ ।

आयोजनाका निर्देशक रणबहादुर बमका अनुसार बहुउद्देश्यीय आयोजनाको अहिलेसम्म ६५ दशमलव ८ प्रतिशत भौतिक प्रगति छ । जसअन्तर्गत सुरुङ निर्माण कार्य सम्पन्न भएको छ । सिभिल निर्माण कार्यको भौतिक प्रगति ५५ प्रतिशत, इलेक्ट्रोमेकानिकल प्रगति ३० प्रतिशत, हाइड्रोमेकानिकलको भौतिक प्रगति ३९ प्रतिशत र प्रसारण लाइनको भौतिक प्रगति ५ प्रतिशत छ ।

भेरी–बबई राष्ट्रिय गौरवको आयोजना हो । बाँके र बर्दिया जिल्लाको ५१ हजार हेक्टर भूमिमा बाह्रै महिना सिँचाइ सुविधा उपलब्ध गराउने र ४६ दशमलव ८ मेगावाट बिजुली उत्पादन गर्ने लक्ष्य छ ।

आर्थिक वर्ष २०६८/६९ देखि आयोजनाको काम अघि बढेको थियो । सिँचाइ विभागको संशोधित गुरुयोजनाअनुसार सुरुङ निर्माण, बाँध, विद्युत् गृह, हाइड्रोमेकानिकल र इलेक्ट्रोमेकानिक ललगायत काम सम्पन्न गर्न ३३ अर्ब १९ करोड रुपैयाँ खर्च हुने प्रक्षेपण छ ।

भेरी–बबई बहुउद्देश्यीय डाइभर्सन आयोजनामा नेपालमा पहिलो पटक प्रयोग गरिएको टनेल बोरिङ मेशिन (टीबीएम) को सफल परीक्षण भएको छ । सुरुङको लम्बाइ १२ किलोमिटरको छ । चीनको सीआईसी र चाइना इन्जिनियरिङ ओभरसिज प्रालि (कोभेक) को संयुक्त निर्माणमा आयोजना बनिरहेको छ ।

लुम्बिनी प्रदेशका मुख्यमन्त्री चेतनारायण आचार्यले बहुउद्देश्यीय आयोजनाको कामलाई गति दिने विषयमा आयोजना कार्यान्वयनको सम्बद्ध पक्षसँग छलफलसमेत गर्नुभएको छ । आयोजनाको साइड कार्यालय हात्तीखाल सुर्खेतमा भएको कार्यक्रममा मुख्यमन्त्री आचार्यले कामलाई गति दिन आवश्यक रहेको र त्यसतर्फ जुट्न ध्यानाकर्षण गराउनुभएको छ । उहाँले यो आयोजनाले लुम्बिनी प्रदेशको कृषि, ऊर्जा र खानेपानी क्षेत्रको विकासमा महत्त्वपूर्ण योगदान पुर्‍याउने विश्वास व्यक्त गर्नुभएको छ ।

अन्तिम अपडेट: पुस १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भेरी–बबई डाइभर्सनको भौतिक प्रगति झन्डै ६६ प्रतिशत

फाइल फाेटाे

तपाईको प्रतिक्रिया